Силикат бактерияларынан даярланған препарат

Калий — өсімдіктер тіршілігіне қажетті қоректік заттардың бірі. Ол жетіспегенде қант пен белок заттарының жиналуы тежеледі, яғни фотосинтездің дұрыс журуіне әсер етеді. Бұл түсімділіктің кемуіне әкеліп соқтырады. Калий тамыр системасының дамуын жақсартады, өсімдіктердің қуаңшылыққа төзімділігін және түрлі ауруларға шыдамдылығын арттырады. Жалпы топырақта калий мол болғанымен, оның көпшілігі қосылыс күйінде, яғни өсімдіктерге сіңімсіз түрде болады. Калийдің өсімдікке тиімділігін арттыру мақсатында В. Г. Александров силикат бактерияларын қолдануды ұсынды. Ол бактериялар калийді қосылыстардан босатып, топырақ ерітіндісіне араласуына, көмектеседі.