Жауабы: Аралық ми (diencephalon) ми сабауының алдыңғы бөлігін құрайды. Эмбриогенез үдерісінде аралық ми алдыңғы ми көпіршігінен дамиды. Филогенетикалық тұрғыдан аралық мидың жас бөліктері: таламус, метаталамус, эпиталамус және салыстырмалы түрде «Көне» бөліктері гипоталамус және субталамусты ажыратады. Аралық мидың қуысы ІІІ қарынша болып табылады.
Қызметі: аралық ми (diencephalon) гипаталамустың көптеген функциялары, ішкі ағзалардың, эндокриндік бездердің және вегетативті жүйке жүйесінің қызметі.
Таламус (thalamus) аралық мидың бүйір қабырғаларында сұр заттың жұмыртқа пішінді жұп жиынтығы болып табылады, оның алдыңғы memi (tuberculum anterius thаlаmі) түрінде сүйірленген де, ал артқы шеті кеңейіп, жастық (pulvinar thаlаті) түрінде жуандаған болады .Оның латералды беті соңғы мидың ак затымен ішкі қапшықпен (capsula interna) жанасып жатады, оң жағынан гипоталамуспен байланысады, ал жоғарғы және медиалды беттері бүйір қарыншалардың қабырғасының үштен бір бөлігін түзеді. Екі таламустың да медиалды беттері таламус аралық өсіндімен (adhesio interthalamica) байланысқан.
