Сонымен біз дәрісімізді қорытындылай келе, келесі ойларды түйіндейміз:
1-қорытынды: Темпераменттің қасиеттері жеке тұлғаның басқа психикалық ерекшеліктерімен салыстырғанда ең өзгермейтін және тұрақты болып табылады. Әрбір темперамент оң және теріс қасиеттердің болуымен сипатталады. Тәрбиелеу үдерісі, бақылау және өзін-өзі жетілдіру арқылы адам өз жетістіктерін көрсетуге мүмкіндік береді.
2-қорытынды: Мінездің дамуы жас ерекшелік кезеңдерімен сипатталады. Алдымен сәбилік шақта балаға махаббат, қамқорлық, көңіл бөлу арқылы эмоционалдық қалыптасу керек. Ата-ананың екі жақты махаббаты балада өзіне деген сенімділігін күшейтеді.
Мектепке дейінгі шақта балалар үлкендердің мінез-құлықтарын қайталап,үйренеді. Бұл жас ерекшелігінде эмоционалдық қолдау мейірімділікке, дос болуға үйренеді. Эмоционалдық тұрғыда отбасының, достарының, айналасындағы адамдардың қарым-қатынасына байланысты.
Кіші мектеп жасындағылар жақсы мен жаманды ажыратуды ойын барысында рольдерді ойнауда меңгере, еңбекке, тәртіптілікке, жауапкершілікке тәрбиеленеді.
Жасөспірімдерде моралды этикалық нормалар мен ерік жігердің қалыптасуы белсенді болады. Мектеп бітіргенде мінез қалыптасады, тек белгілі бір өмірден алған сабақтарына байланысты адам өз мінін реттеп отырады.
3-қорытынды: Жалпы қабілеттерді игеруеңбекті тәрбиелеу негізінде көздеген мақсатқа жетуге болады.Оқу мен тәрбиенің егіз екенін бір сәт те естен шығармаған жөн, соның нәтижесінде ғана сапалы білім мен саналы тәрбиеге қол жеткізуге болады.
Ол жайлы Әл-Фараби: «Адамға ең бірінші білім емес, рухани тәрбие берілуі керек, тәрбиесіз берілген білім – адамзаттың қас жауы, ол келешекте оның барлық өміріне апат әкеледі»деген.Мақсат қоя білу, талпыныстар, жетістікке ұмтылудегеніміз бұл барлық кедергілерді жеңу.
Сәттілік!
6-МОДУЛЬ. ТҰЛҒАЛЫҚ ДАМУДАҒЫ ҚҰНДЫЛЫҚТАР ЖҮЙЕСІНІҢ ПСИХОЛОГИЯЛЫҚ ЕРЕКШЕЛІКТЕРІ
6-ДӘРІС. ТҰЛҒА ДАМУЫНДАҒЫ ҚҰНДЫЛЫҚТАР ЖӘНЕ ҚҰНДЫЛЫҚТАРҒА БАҒДАРЛАНУ
