Түсінік хат
Қазақстан РеспубликасыОқу-ағарту министрінің 2022 жылғы 3 тамыздағы №348 бұйрығына 2-қосымшаБастауыш білім берудің мемлекеттік жалпыға міндетті стандарты
«Жаратылыстану» пәні ҚРБҒМ 2022 жылғы 16 қыркүйек №399 бұйрығымен бекітілген (6- қосымша) «Жаратылыстану » пәнінің үлгілік оқу бағдарламасына сәйкес оқытылады.
«Жаратылыстану» оқу пәні «Адам – Табиғат» жүйесі шеңберінде қарапайым ғылыми білім деңгейін қамтамасыз етеді. Ол «Биология», «Физика» және «Химия» дербес пәндерін білім берудің келесі деңгейлерінде оқытудағы кіріспе курс болып табылады, сондай-ақ білімнің кез келген саласы үшін маңызды болып табылатын зерттеу дағдыларының негізін қалайды.
«Тірі табиғат» бөлімі әртүрлі бақылаулар мен эксперименттер жүргізуді, сыртқы әлеммен танысуды, келесі жаратылыстану-ғылыми ұғымдарды зерделеуді көздейді:
• өсімдіктің бөліктері (тамыр, сабақ, жапырақ, гүл, жеміс, өсімдік тұқымы, аналық, аталық, жапырақшалар және т.б.);
• жануарлар (жәндіктер, балықтар, қосмекенділер, бауырымен жорғалаушылар, сүтқоректілер, ұлулар, құрттар және т.б.);
• адам және оның дене құрылысы (бас, дене, мойын, қол, аяқ, жүрек, бүйрек, ішек, асқазан, қуық және т.б.).
Оқушылар «Тұқым қалай өніп шығады?», «Қандай тәсілмен жүзу оңай?», «Иммунитет адамға қалай көмектеседі?» және т.б. тақырыптар бойынша зерттеулер жүргізіп, эксперимент жасайды. Биология саласы мен оны зерттеу объектілері бойынша жоғарыда келтірілген барлық жаратылыстану-ғылыми тұжырымдамалар оқушылардың табиғи білімқұмарлығын, танымдық қызығушылығын дамытуға, еңбекке, табиғатқа, айналадағы адамдарға адамгершілік қарым-қатынасты тәрбиелеуге бағытталған.
Достарыңызбен бөлісу: |
