Жарнама түрлері мен құралдары, оларды таңдау

Тұтынушыға жарнама әр түрлі құралдар арқылы жетеді. Жарнама түрлерін былайша жіктеуге болады:

1. 
   мақсаттық белгіленуіне қарай:
   
   • 
     тауарлар мен қызметтер жарнамасы;
     
   • 
     идея – ойлар жарнамасы;
     
   • 
     пайда алу үшін бағытталған коммерциялық жарнама;
     
   • 
     пайда алуды көздемейтін коммерциялық емес жарнама (қайырымдылық қоры, діни және саяси ұйымдардың жарнамасы).
     
2. 
   мақсатты бағытына сәйкес жарнама типтері.
   

1. 
   Марка жарнамасы тұтынушылардың тауар маркасы туралы хабардар болуына және фирманың нарықтағы үлесін арттыруға бағытталған. Оның мақсаты – бәсекелес марканың сатып алушыларын үйіру арқылы таңдамалы сұранысты ынталадыру.
   
2. 
   Тауар жарнамасының мақсаты – жалпы тауар категориясына алғашқы сұранысты ынталандыру. Мұндай жарнама салалық өткізуді өсіруге бағытталған болса, марка жарнамасы осы өткізу көлемімен өзі үлесін бөліп алуға арналған.
   
3. 
   Корпорация немесе компания жарнамасы олардың бейнесін жасауға бағытталған.
   
4. 
   Бірлескен жарнамада өндіруші бөлшек саудагерлердің тауарларды жарнамалауға кеткен шығындарының орнын толтырады.
   

3. 
   практикалық мақсаттар үшін ең ыңғайлысы - өткізу арналары арқылы жарнаманы жіктеу.
   

Жарнама маманы жарнама құралының ең тиімдісін таңдап алуы қажет. Жарнама құралдарын таңдауға әсер ететін негізгі факторлар: аудитория көлемі мен құрамы, мақсатты аудиторияның жарнама құралына көзқарасы, тауар мен үңдеу түрі және жарнама бағасы.

Жарнама бағасы Б_ж (мың адамға) мына жолмен есептеледі:

Ш_ж

Б_ж =

А

Мұндағы: Ш_{ж –} жарнамаға кеткен жалпы шығындар; А – басылым тиражы немесе бақылау аудиториясы, мың адам.