Тауықтың сәуле ауруы. Үй жануарларының ішінде тауық ең радиотөзімді болып есептеледі. Тауықтың сәулемен зақымдануының алғашқы белгілері болып, оның басының дірілдеуі есептеледі. Кейіннен куйзелу дамиды, құс сағаттар бойы ұйқылы-ояу жағдайда болады. Олар мойынын бірде алға, бірде артқа созады. Айдарлары мен сырғалары домбығады. Тыныс алуы қиындайды, кілегей қабықтарында серозды қабыну пайда болады. Қиының түсі жасылдау болып келеді. Барлық деңгейдегі ауру кезінде тауықтың шығыны әлбетте үшінші аптаның соңына дейін аяқталып бітеді. Осы мерзімде аман қалған тауықтар тірі қалады.
