12. «Ирредента», «диаспора» терминдеріне анықтама беріңіз. «Ирредента»- өз тарихи отанында тұрып жатқан, алайда ол аумақ түрлі себептермен өзге ел құрамына еніп, сонда қалып қойған этникалық топ.
«Диаспора»- өзінің тарихи шығу тегінен тысқары елде тұрып жатқан халықтың бір бөлігі «этникалық қауымдастық».
13. «Шежіре», «дәстүр»» терминдеріне анықтама беріңіз. Шежіре-тарих ғылымының халықтың шығу тегін, таралуын баяндайтын тармағы. Қазақтардағы тектанушылық ілімі, ру тарихы.
Дәстүр- ұрпақтан-ұрпаққа берілетін және қоғамдық қатынастарды рететйтін түсініктер мен салттары жиынтығы.
14. «Автохтонды халық», «этнос» терминдеріне анықтама беріңіз. «Автохтонды халық»-белгілі бір аймақтың ежелгі жергілікті халқы. Мысалы, қазақтар Қазақстанда автохтонды ұлт болып саналады.
«Этнос»- ортақ белгілері (шығу тегі, тілі, мәдениеті, шаруашылық қызметінің үлгісі, аумағы, сыртқы түрі, менталитеті мен өзіндік санасы) бойынша біріккен, адамдардың тарихи қалыптасқан, орнықты жиынтығы.
15. «Мәдени-генетикалық код», «ұлт» терминдеріне анықтама беріңіз. «Мәдени-генетикалық код»- бір этнос, ұлт немесе өркениет адамдарын байланыстыра отырып, тіл мен нышандардың көмегімен ұрпақтан-ұрпаққа берілетін рухани құндылықтар, түсініктер, тәжірибе мен дәстүрлер.
«Ұлт»- 1) мәдениеттің ортақтығынан көрініс табатын, тілдің, аумақтың, экономикалық өмір мен психикалық қалыптың ортақтығы негізінде пайда болатын, адамдардың тарихи жағынан қалыптасатын орнықты қауымдастығы;
2) ел, мемлекет.
16. «Ақсүйек», «қарасүйек» терминдеріне анықтама беріңіз. Ақсүйек — қазақтардағы артықшылықтарға ие топ, оған Шыңғыс хан ұрпақтары-сұлтандар мен дінді таратушылар-қожалар кірді.
Қарасүйек – ру-тайпалық жүйемен біріккен көшпелі қазақтар. Ақсүйек тобына жатпайтын жай халық, қара халық. Қарасүйектер мүліктік және жеке бас құқығы бар ерікті тұлғалар деп танылған.
17. «Революция», «реформа» тарихи терминдеріне анықтама беріңіз. Революция-түбегейлі төңкеріс, мысалы, 1917 жылғы 27 ақпандағы ақпан буржуазиялық-демократиялық революциясы; 1917 жылғы қазандағы төңкеріс;
Реформа- өмір сүріп отырған әлеуметтік құрылымды сақтап, кейбір институттарды қайта құру, өзгерту.
