Нағыз шегірткелер тұқымдасы–Acrididae Сібірлік саяқ шегіртке – Gompocerus sіbіrіcus L.,
Қазақстанның орманды – дала және далалық ауданында тараған. Өсімдік сирек жерде және мал аяғымен тапталған жайылымда көбірек болады. Басқа шегірткеден негізгі айырмашылғы болады. Аталықтарының жотасы дөңестеу, мұртшаларының ұштары түйреуіш, алдыңғы сирақтары алмұрт тәрізді жуантық келеді.
Жалпы түсі жасыл-қоңыр немесе сарғылт. Аналықтарының ұзындығы 19–25мм, аталықтары – 18–23,4мм. Шегірткенің дернәсілі мамыр айының бірінші жартысында шығады. Олардың дамуы 24–28 күнге созылып, төрт рет түлейді. Ересек шегіртке толық қанаттанған соң көп кешікпей-ақ ұрықтанып, көбеюге кіріседі.
Әрбір аналық шегіртке 9–18 күбіршеден салады. Олардың ішінде 7–10 жұмыртқа болады. Күбіршектің пішіні сопақша, ұзындығы 8–16мм, диаметрі 4–6мм. Республиканың солтүстік ауданында кездесетін шегірткенің ең зияндысы. Ол көбінесе дәнді дақылды және шабындық шөпті қатты зақымдайды.
