Бақылау сұрақтар 1. «Друза», «секреция» жəне «конкреция» ұғымдарына анықтама беру.
2. Псевдоморфоза дегеніміз не? Мысал келтірініз.
3. Минералдардың негізгі диагностикалық белгілерін атаныз.
4. Жымдастық дегеніміз не? Аса жетілген жымдастыққа ие минералға
мысал келтірініз.
5. Моос кестесі бойынша кварцтің қаттылығы қанша?
1.5. Тау жыныстар Тау жыныстар жер қыртысында немесе оның беткейінде əртүрлі
геологиялық үрдістер арқылы пайда болады. Олардың негізгі массасын
жынысқұраушы минералдар құрайды, олар жыныстардың қаситтерін
анықтайды жəне пайда болу жағдайларын көрсетеді. Жыныстардың
құрамында басқа, сирек минералдар (акцессорлы) кездеседі, олардың құрамы
жəне саны жыныстарды тұрақсыз.
Тау жыныс тек бір жынысқұраушы минералдан пайда болса, олар бір-
немесе мономинералды деп аталады. Мысал ретінде мəрмəрді алуға болады,
ол тек кальциттің кристаллды түйіршіктерінен тұрады. Ал тау жыныстың
құрамына екі жəне одан да көп минералдар кірсе, онда оларды көп- немесе
полиминералды деп атайды. Мысал ретінде гранитті алуға болады, ол
кварцтан, калийлі-натирийлі далалық шпаттан, қышқыл плагиоклаздардан
жəне биотит пен мүйіз алдамшыдан құралған.
