ЭЛЕМЕНТ № 3. ЖОО-да студенттің өздік жұмысы Өздік жұмысты ұйымдастырудың мақсаты, міндеттері. өздік жұмыстың формалары мен түрлері. Өздік жұмысты бақылау әдіс-тәсілдері. Плагиат.
Өз бетімен білім алу парадигмасы және студенттің өздік жұмысы.Өз бетімен білім алу парадигмасы оқытудың дәстүрлі дәрістік-семинарлық жүйесін қайта қарастыруға себепші болады. Қазіргі кезде, оқу уақытының көлемін қысқартусайыстарға бетбұрыс жасалып отыр. Негізінен студенттердің танымдық қабілеттерінің жетілуіне көңіл бөлінеді. Бұл жерде ғылыми ақпарат пен білім алудың әдіснамалық мәдениетін меңгеру бірінші орында тұр. Студенттерге көздеген білімге қол жеткізу үшін жаңалықты үзбей іздестіре отырып, ақпараттық процестерді (іздестіру, сақтау, қайта қарастыру, тарату) сауатты түрде іске асырудың маңызы зор екендігін жоғарыда атап өттік. Осыған байланысты, қазіргі білім беру процесінің артықшылығы білімді, іскерлікті және дағдыны механикалық түрде беру емес, керісінше ақпараттық-рухани қор көздерін өз бетімен іздестіріп, табылған ақпаратқа талдау жасап, оны қолдана білетін, сонымен қатар пікірін ой елегінен өткізіп, ары қарай жетілдіруге тырысатын және жылдам өзгеріп жатқан өмір жағдайында өзін іс жүзінде табысты түрде көрсете білетін тұлғаны қалыптастыру.
Сонымен, жаңа білім беру парадигмасының ең алдымен студенттердің креативті және рухани дамуына бағытталғандығы білім беру практикасының басты міндетіне табиғат пен қоғам заңдылықтарын үйрету ғана емес, сонымен қатар «адам–табиғат–қоғам» жүйесіндегі қатынастарды үйлестіруге қол ұшын беру әрекеттері жататындықтан, мақсаты тұлғаның креативтік потенциалын жетілдіру болып табылатын оқыту әрекетіне инновациялық білім беру мәселесін дамыту септігін тигізеді.
Өздік жұмысты орындау студенттің келесі кезеңдерді орындауын талап етеді: - өздік жұмыстың мақсатын анықтау; - танымдық мәселені нақтылау
- өздік жұмыстың қойылған міндеттерді шешуі
- өздік жұмысты сапалы орындалуына тиімді тәсілдерді қолдану;
Өздік жұмыстың орындалуын жоспарлау, жүзеге асыру.
