Адам тақырыбы - философияның өзекті, байырғы және өте маңызды мәселесі. Философияның адам мәселесін арнайы зерттейтін бөлігі философиялық антропология деп аталады. Оның негізгі сұрағы – «адам дегеніміз не» мәселесі. Адам туралы толық мәліметті пәнаралық зерттеу аясында көптеген ғылымдардың көмегімен жинақтауға болады. Сондықтан да соңғы жылдары адамтану ғылыми танымның ерекше саласы және оқу пәні ретінде жеке қарастырылады. Философия адамды тиянақты, бүтін, біртұтас жүйе деп анықтайды. Ол адамды барлық мәндік қасиеттері мен құбылыстарының өзіндік рухани - практикалық іс - әрекетінің біртұтас жүйесі ретінде, көпжақты, әмбебап жан етіп көрсетеді. Адамның табиғаты мен мәні туралы сұрақ философия тарихындағы барлық ілімдерде орын алған. Адам проблемасын философиялық зерттеудің негізгі өзегі етіп қарастыратын экзистенциализм, персонализм және философиялық антропологияның басқа да көптеген ағымдарын қоспағанның өзінде психоанализ, герменевтика, структурализм, аналитикалық философияда, социобиологияда адам тақырыбы көрнекті орын алып отыр. АДАМ МӘНІН АЙҚЫНДАУДАҒЫ НЕГІЗГІ ЫҢҒАЙЛАР
БИОЛОГИЯЛЫҚ ЫҢҒАЙ Адамның мәні – биологиялық тәнінде (Чарвака мектебі, Ламетри, Гоьббс, Фейрбах) ӘЛЕУМЕТТІК ЫҢҒАЙ Адамның мәні – әлеуметтік қатынасында (Маркс және оның ізбасарлары)
ӘЛЕУМЕТТІК-ҒАРЫШТЫҚ ЫҢҒАЙ Адамның мәні – үш аспектіні қамтиды, ғарыштық, әлеуметтік, биологиялық (Теософия, Тірі Этика ілімі) ТЕОЛОГИЯЛЫҚ ЫҢҒАЙ Адамның мәні – жанында, жан рухани бастаудың бейнесінде (Христиандық философия, индуистік, ислам философиясы)
