Гу-Гу айдарымен ел арасына тарап
кеткен
қауесет, лақап, алыпқашпа, ұзынқұлақ жарияланып тұрды. Бұл айдар
газет бетінде 1998 жылдан 2001 жылдың ортасына дейін үзілмей беріліп
келгеніне назар аударсақ, қауесеттің қаншалықты өміршең, қаншалықты көп
екендігіне, қаншалықты тез, көп тарайтынына көз жеткізуге болады. Осы
айдармен берілген қауесет елімізде болатын немесе болған түрлі әлеуметтік,
мәдени, саяси өзгерістерге, аты аталмаған, алайда іс-әрекеттері арқылы таныла
алатын жоғары лауазымды адамдардың күнделікті тіршілігіндегі, қызметіндегі
іс-әрекеттері мен мінез-құлықтары, сөйлеген сөздері мен жеке бастары
мүддесіне қатысты болатындықтан, мемлекетімізде қоғамдық пікір туғызып,
моральдік-этикалық хал-ахуалға тікелей әсер етеді. Қатардағы қарапайым
оқырман оған ерекше қызығушылық білдіреді, өйткені сол арқылы өзі сол
үлкен саясат пен үлкен билік тізгінін ұстаған адамдармен, шоу-бизнес
өкілдерімен қатар жүргендей, олармен тең дәрежедегідей сезімде (иллюзияда)
болады. Жарияланған қауесеттер қоғамдық өмірдің бар саласына қатысты
болып келеді. Мысалы:
«Елбасы сынынан дереу қорытынды шығарған бір әкім өз облысына кәдімгі жолаушылармен бірге билет алып ұшып кетіпті» (19.12.1999);
«Облыс орталығы Талдықорғанға көшетіні анық көрінеді» (26.12.1999);
«Тест тапсыру барысында дарынды балалар өздеріне берілген сауалдардың қате екендігін комиссия мүшелеріне мойындата алмай қалыпты» (2.08.2000);
«Сенімді дерек көздерінің хабарлауынша, сатылып кеткен қару-жарақтың орнын жабу үшін әскери қоймаларды әдейі өртеп жатқан көрінеді» (8.08.2000);
«Еліміздегі жоғары оқу орындарында қазақ тілі сабақтарының күрт қысқарғаны оқытушылардың наразылығын
