Қостанай қаласындағы А.Байтұрсынов атындағы мемлекеттік университеті
Қостанай қаласындағы А.Байтұрсынов ескерткіші
Қостанай қаласындағы А.Байтұрсынов ескерткіші
Алаш аллеясындағы А.Байтұрсынов ескерткіші
“Қостанай таңының” тарихи-танымдық қосымшасы “Зерде” № 1, 2006 жыл
Ұлт ұстазы – Ахмет Байтұрсынұлы 150 жыл
«Ахаң ашқан қазақ мектебі, Ахаң түрлеген ана тілі, Ахаң салған әдебиеттегі елшілдік ұраны – «Қырық мысал», «Маса» ; «Қазақ» газетінің қан жылаған қазақ баласына істеген еңбегі, өнер-білім, саясат жолындағы қажымаған қайраты, біз ұмытсақ та, тарих ұмытпайтын істер болатын»
Мұхтар Әуезов
Ахмет Байтұрсынұлының тіл туралы тағылымды ойлары
Өз тілімен сөйлескен, өз тілімен жазған жұрттың ұлттығы еш уақытта адамы құрымай жоғалмайды. Ұлттың сақталуына да, жоғалуына да себеп болатын нәрсенің ең қуаттысы – тілі. Сөзі жоғалған жұрттың өзі де жоғалады. Өз ұлтына басқа жұртты қосамын дегендер әуелі сол жұрттың тілін аздыруға тырысады.
Тіл – адамның адамдық белгісінің зоры, жұмсайтын қаруының бірі.
Егер де біз қазақ деген ұлт болып тұруды тілесек, қарнымыз ашпас қамын ойлағандай тіліміздің де сақталу қамын қатар ойлау керек.
Біз де тіліміз бұзылмай сақталуын тілесек, өзгелерше әуелі өз тілімізбен оқытып, онан соң басқаша оқытуы
