ІІІ белгі: Яжуж-Мажуж Қияметтің үлкен белгілерінің бірі – Яжуж-Мажуж. Олар
Адамның (аләйһис-сәләм) ұрпағынан шығады. Сағид ибн
Мусайяб (Аллаһ оған рақым етсін): «Нұхтың (аләйһис-сәләм) үш
ұлы болды. Сам, Яфис және Хам. Осы үш ұлының әрқайсысы үш
ұлды болды. Самның ұлдары: араб, парсы және румдықтар,
Яфистің ұлдары: түрік, славяндар және Яжуж-Мажуж, ал
Хамның ұлдары: Копт, Судан және Барбар», – деген.
Сондай-ақ төмендегі хадис олардың Адам ұрпағынан екеніне
дәлел болады.
Әбу Сағид әл-Худри (Аллаһ оған разы болсын) риуаят етеді;
Пайғамбар (с.а.с.): «(Қиямет күні) Аллаһ тағала: «Ей, Адам!» – дейді. Адам: «Ләббәй! (Қызметіңе) шатпын, жақсылық Сенің қолыңда!» – дегенде, Аллаһ тағала: «Ұрпағыңнан тозақтың өкілін шығар!» – деп бұйырады. Адам: «Тозақтың өкілі деген не?» – дейді. Раббы тағала: «Әрбір мыңнан, тоғыз жүз тоқсан тоғызы!» – дейді», – деген. (Пайғамбар (с.а.с.) сөзін
жалғастырып): «Сол кезде, жастың шашы ағарады. Әрбір аяғы ауыр (ұрғашы) құрсағындағыны тастайды. Адамдарды мас күйінде көресің. Алайда олар мас емес. Бірақ Аллаһтың азабы қатты», – деп айтқан. (Сахабалар): «Әлгі бірі қайсымыз?» –
дейді. (Пайғамбар (с.а.с.)): «Қуаныңдар! Біреу сендерден, мың Яжуж-Мажужден», – депті
1
.
Хадисте нұсқалғандай, тозаққа түсетін адамзаттың басым
көпшілігін осы аталмыш адамдар құрайды.
Абдуллаһ ибн Амр (Аллаһ әкесі екеуіне разы болсын) риуаят
еткен хадисте Пайғамбар (с.а.с.): «Яжуж-Мажуж Адамның ұрпағынан. Егер олар адамдарға жіберілсе, өмірлерінің быт- 1
Әл-Бұхари.
