Білім алушы - мәтінді қатесіз, түсініп оқиды;
- мәтіннің мазмұны бойынша сұрақтарға жауап береді;
- мәтіннің мазмұны бойынша қорытынды жасайды;
- мәтіннің тақырыбын анықтайды;
- мәтіндегі негізгі ойды көрсетеді.
Бөлімше 2.5 Түрлі дереккөздерден ақпарат алу
Оқу мақсаты
2.2.5.1 Берілген тақырып/сұрақ бойынша қажетті ақпараттарды іріктеп алу үшін дереккөздермен (сөздік,анықтамалық, энциклопедия) жұмыс жасау
Бағалау критерийі
Білім алушы
Дереккөздерден берілген тақырыпқа/сұраққа
қатысты ақпараттарды іріктеп алады
Ойлау дағдыларының деңгейі
Қолдану
Тапсырма Мәтінді түсініп оқы.
Туризм – француз тілінен аударғанда «серуендеу», «жол жүру» деген мағынаны білдіреді. Туризм - адамның бос уақытында басқа бір жерге ерікті түрде саяхаттап, серуендеп баруы. Адамдар саяхатқа көңіл көтеру, демалу үшін, яғни рухани қажеттілігі бойынша барады. Жақын жердегі қысқа мезетте орындалатын түрі -серуен деп аталса, алыс жерге аттанған ұзақ мерзімдісі - саяхат деп аталады.
Сұрақтарға жауап бер.
Мәтін не туралы?
Туризм сөзі қандай мағына береді?
Серуен мен саяхаттың қандай айырмашылығы бар?
Жұптық жұмыс Дереккөздерден туризм, оның түрлері туралы ақпарат ізде.Туризм түрлеріне сипаттама бер. Жинақтаған ақпараттарды кестеге түсір және басқалармен ой бөліс.
