Қан жүйесінің патофизиологиясы

Лейкопениялар Шеткі қанда лейкоциттердің саны4/109 л-ден төмен азаюын лейкопения деп атайды. Пайда болу себебіне карай оларды былай бөледі: 1)Инфекциялық(іш сүзегі, грипп, қызылша, безгек т.б) 2)Токсиндік(бензол, мұнай өнімдері, гидрохлион т.б) 3)Дәрі-дәрмектік(амидопирин, сынаптық, адриамицин т.б) 4)Радиациялық(иондайтын сәулелер) 5)Қан аурулары(созылмалы анемиялар,лейкоздар) 6)Кейбір эндокриндік аурулар(акромегалия, Аддисон ауруы) 7)Жоғарғы нерв жүйесінің әрекеттері бұзылғандағы, шок пен коллапс кездеріндегі лейкопениялар болады.

Лейкоздар Лейкоздардың негізінде қан түзу аппаратының гиперплазиялық жүйелік бүлінуі жатады. Бұл гиперплазия, лейкоцитоз, анемия кездеріндегі гиперплазияларға қарағанда, қайтымсыз және қан клеткаларының жіктелуі қатты тежелумен сипатталады. Лейкоздардың этиологиясы әлі толық шешілмеген мәселе.Олардың пайда болуында химиялық әсерлердің, вирустардың, иондайтын сәулелердің маңыздары белгілі.