Анатомия – 120 ом

1. Жоғарғы қыры, margo superior, жұқалау келген. Бұл қырдың бойында жауырынның жоғарғы тілігі, incisura scapulae superior, орналасқан. Мацерацияламаған сүйектерде жауырынның көлденең жоғарғы байламы, Іідатеп-lum transversum scapulae superius, арқ ылы бұл тілік, жауырын үстілік нерв, n.suprascapularis, пен қантамырлар өтетін тесікке айналады. Жоғарғы қырының латеральды бөлігінен жоғары қарай, одан әрі томен және сыртқа қарай бағытталынып, сыртқы пішіні құстың тұмсығы тәрізді өсіндіге, processus coracoideus ұласады.

2. Медиальды қырына келсек, margo medialis, ол жауырынның жоғарғы қырына қарағанда жіңішкелеу және ұзындау болып, вертикалді жазықтықтың бойында, омыртқа бағанасына, параллель бағытта орналасқан. Бұл қыр, адамның денесінің арқа жағынан қараганда айқын байқалады.

3. Жауырынның латеральды қыры, margo lateralis, қалыңдау болып, қолтық ойысына қарай бағытталған.

Сонымен қатар жауырынның үш бұрышы ажыратылады:

а) жоғарғы бұрышы, angulus superior, доғалдау болып, жоғары жэне медиальды бағытта, омыртқа бағанасына қарап орналасқан.

ә) төменгі бұрышы, angulus inferior, доғалдау болып төменгі жэне медиальды бағытта, омыртқа бағанасына қарап орналасқан.

б) латеральдық бұрышы, angulus lateralis, жауырынның басқа бұрыштарына қарағанда қомақтылау болып келген. Латеральдық бұрышының бетінде тоқпан жіліктің басы мен беттесетін иық буынын құрайтын буындық ойысы, cavitas glenoidalis, орналасқан. Сонымен қатар, бұл сүйектің латеральдық бұрышы жауырынның қалған бөлігінен жауырын мойыны, сollum scapulae, арқылы шектелген.