390. 1992 желтоқсан айында «Қазақстан Республикасының қорғанысы мен Қарулы Күштері туралы» заң қабылданды.
391. 1992 жылы 2 шілдеде «Қазақстан Республиксының Конституциялық сотын сайлау туралы» Қазақстан Республикасы Жоғарғы Кеңесінің қаулысы жарыққа шықты.
392. 1992 жылдың маусымында тәуелсіз Қазақстанның Елтаңбасы мен Туының жаңа үлгілері қабылданды.
393. 1992 жылдың желтоқсан айында Әнұранның жаңа мәтіні бекітілді (Тәуелсіз Қазақстанның тұңыш әнұраны/гимні/).
394. 1992 жылдың тамызында шыққан «Жеке кәсіпкерлікті қорғау және қолдау туралы» қазақстан Республикасының заңы жекешелендіру үдерісіне қатысы бар бұрын шыққан заңдарды толықтырып, нарықтық экономиканың бағытын одан әрі нықтай түсті.
395. Қазақстан Республикасының тәуелсіз мәртебесіне сай жаңа Конституциясы 1993 жылы қаңтардың 28-күні қабылданды. Бұл күн Қазақстан Республикасының мерекелі күні болып жарияланды.
396. 1993 жылғы Конституция өтпелі кезеңнің ахуалын сипаттайтын құжат ретінде, жүріп жатқан реформаларға байланысты міндеттерді, әлеуметтік-экономикалық жаңа саяси мәселелерді шешуге бағытталды.
