1822 жылғы «Сібір қырғыздарының Жарғысы» қазақтардың құл ұстауына тыйым салды. Тұрақты жұмыс істейтін ауруханалар пайда болды. Жергілікті әкімшілікке халықты шешек ауруына қарсы егуден өткізу міндеттелді. Қазақтар балаларын Ресейдің ішкі аумағындағы губерниялардың оқу орындарына оқуға жібере алатын болды. Қазақтар әскери міндеткерліктен заңды тұрғыда босатылды. Ресей тұрғындарына қазақ даласына өз еркімен қоныстануға тыйым салынды. 1822 жылғы «Жарғы» 1860 жж ортасына дейін қолданып келді.
ІІ. 1867-68 жж реформалар. XIX ғ 60 жж Бутков комиссиясы құрылды. Бүкіл қазақ даласын екі облысқа бөлу көзделді: Шығыс және Батыс. Реформаны түпкілікті әзірлеген: Гирс комиссиясы (Дала комиссиясы) - 1865 ж. Уалиханов Қазақстанды билеуді халықтың өзін-өзі басқару негіздерінде қайта құруды талап етті. Реформаның негізгі мақсаты: сұлтандар тобын өкімет билігінен біржолата ығыстырып, жалпыимпериялық басқару тәртібін енгізу. Бүкіл Қазақстанды тұңғыш рет қамтыды. Ережелер.
Қабылданған уақыты.
Атауы.
Бекіткен патша.
1867 ж, 11 шілде.
«Сырдария мен Жетісу облыстарын басқару туралы уақытша Ереже».
