| Таңдай басу. Қорқып қалдың ба, құлыным! Кел, таңдайыңды басайын. Қарт немересінің қарсылық білдіргеніне қарамастан, оның мойнын өзіне күштеп бұрды да, басын қыса құшақтап тұрып, көз ілеспес жылдамдықпен таңдайына ағаш қасықтың сабындай ұзын саусағын сүңгітіп алды. («Дермене»). Халықтық медицинада таңдай басу немесе тамақ басу бала бір
нәрседен шошып қалғанда, суық тиіп, тамағы көтеріліп тұрған жағдайда қолданылатын ем-домның бір түрі.
Саусағымен кеңірдегін кесу. Ә.. Жоқ... Тойып алғанбыз... Ол саусағымен кеңірдегін кесті де, еріген мұздың суын қалайы табақпен шелекке сарылдатып құйып ала бастады («Біз соғысты көрген жоқпыз»). ... Егер Роза болғаныңда бар ғой. – Ол саусағымен кеңірдегін кесті. – Басыңды жұлып алатын едім, білдің бе?(«Өкпек жолаушы»). «Бас бармағымен кеңірдегін кесу»
адамның шындықты айтып тұрғанын дәлелдеуіне көмекші ретінде қолданылатын кинема. Әдетте, ауызекі тілдегі бетпе-бет қарым қатынас кезінде бұл қимылды жасаған адам «Рас айтам!», «Имандай шыным» деген тіркестерді қоса айтады.
Достарыңызбен бөлісу: |
