8-апта. 15-семинар. 1 сағат. 5 б.
15-семинар сабағының тақырыбы: Қазақстандағы отарлық дәуірдің басталуы. Семинар сабағының жоспары: 1. XVIII ғасырдың бірінші жартысындағы Қазақ хандығы.
2. Әбілқайыр ханның Ресеймен келіссөздер жүргізуі. Тевкелев елшілігі және Кiшi жүздегі саяси топтардың өзара күресі.
3. Қазақ хандары мен Кіші және Орта жүздердің ықпалды сұлтандарының ант қабылдауы. Ресейдің қазақ жерлерін отарлау шаралары.
4. Абылай сұлтанның дипломатиялық өнері. Абылайдың Жоңғариямен, Қытаймен және Ресеймен қарым-қатынастары.
Сабақтың мақсаты: XVIII ғасырдың бірінші жартысындағы қазақ хандығының ішкі және сыртқы саясатын түсіндіру. Тәуелсіздік жылдарындағы зерттеулерді пайдалана отырып, Қазақстанның Ресейге қосылуының тарихи алғышарттарына талдау жасау.
Әдістемелік нұсқаулар: Студенттер Ресейдің қазақ жерлерін отарлау саясаты бойынша отандық және шетелдік зерттеушілердің көзқарастарына талдау жасау керек. Сонымен қатар, Әбілқайыр ханның Ресей бодандығын қабылдауға бет бұруының себептеріне түсінік беру. Қазақтар мен жоңғарлардың әскери өнеріне салыстырмалы талдау жасау. Абылайдың Жоңғариямен, Қытаймен және Ресеймен қарым-қатынасына тоқталу.
8-апта.16-семинар. 1 сағат. 5 б.
16-семинар сабағының тақырыбы: ХVIII ғасырдың соңындағы Қазақстан және Орталық Азия мемлекеттері
Семинар сабағының жоспары: 1. Ресей империясы саясаты жүйесіндегі Орталық Азия.
2. Қазақтардың 1858 жылғы Қоқан үстемдігіне қарсы көтерілісі.
3. Жетісу мен Оңтүстік Қазақстанның Ресей империясы құрамына кіруі.
4. Ресейдің қазақ жерлерін отарлау шаралары.
Сабақтың мақсаты: Жетісу мен Оңтүстік Қазақстанның Ресей империясы құрамына кіруін талдау. Ресей империясының Қазақстанды отарлау саясаты туралы баяндау.
Әдістемелік нұсқаулар: СтуденттерХVІІІ ғасырдың соңындағы Ресей империясының Қазақстан және Орталық Азия мемлекеттеріне жүргізген саясаты және Ресей империясының Қазақстанды отарлау саясаты туралы тарихи зерттеулерге сүйене отырып, пікірталас түрінде талдау жасау.
