Аяулы да қымбатты аналар мен аруларымыздың мерекесі 8 наурызда мектеп оқушыларының аналарына мен ұстаздарына арналған «Анам -күн шуағым менің!»атты кештің сценариін ұсынамыз: Мерекелік кештің басты мақсаты
жүктеу/скачать 25,1 Kb.
|
8 наурыз
| Жүргізуші:
Әркімнің де өмірден аласы бар, Аласы бар адамның анасы бар. Мерекесін құттықтап аналардың, Өнерлерін жолдайтын апалардың баласы бар деп 8 сынып оқушыларыңыздың орындауындағы «Аққулар ұйықтағанда» атты қойылымын қарсы алыңыз. Жүргізуші: Үкілі кәмшат, бүрмелі көйлек. Тұрғандай өзі, қимылсыз билеп, Иықтан шашып, төгіліп жерге, Күмісті шашбау, жарасып белге деп ақын ағаларымыз жырлағандай келесі кезекті 1 сыныптың мың бұралған бишілерге береміз.Гүлдер биі. Жүргізуші: Ару - Ана өмірдің асылдары, Жайнасын көңілімнің жасыл бағы. Сендер үшін ән мен жыр шырқалуда, Сендер үшін мереке шашулары, - дей отырып 4 сынып оқушыларының орындауында «Мама мен бақытты баламын»атты тамаша әнді қабыл алыңыздар. Жүргізуші: Бишілер бар бізде қыздар мен ұлдар тобы, Мерекеге өнерімен келген бүгін. Таң қалдырып, қанекей би билеші, Қол соғып, демеу берсе көрермендер! - деп кезекті 1сыныптың байсалды да байыпты бишілеріне береміз. Жаяу биі. Жүргізуші: Қамымды ойлар күн - түні, Анам - менің көктемім. Ақтай алсам үмітін, Арманыма жеткенім, – дей отырып 7 сынып оқушыларының орындауында «Соқыр ана» қойылымын қабыл алыңыздар! Жүргізуші: Күнінде гүл көктемнің нұрын шашып, Жасқанбай әр қадамын нық - нық басып, Биімен көрерменді тәнті ететін Арулар келді міне толқып, тасып. Ортада «Шамаханская царица» биін қарсы алыңыздар! Жүргізуші: Десек те уақытпен жарыспайды, Қиялға қиялменен қарыштайды. Шәкірттер шын жүректен тебіреніп, Өнерін аналарға бағыштайды,-дей отырып,7 сынып оқушыларын «Анашым аман жүрші» әнімен ортаға шақырайық. Жүргізуші: Құлақтан кіріп, бойды алар, Әсем ән мен тәтті күй. Көңілге түрлі ой салар, Әнді сүйсең, менше сүй, – деп, Абай атамыз айтқандай әнші қыздарымыздың орындауындағы «Сен сұлу» әнін қабыл алыңыздар. Жүргізуші: Дауысына сүйсініп тамсанайық. Ерке ұл-қыздарыңыздың талантына тәнті болып, Уа, халайық, жұмыла қол соғайық! - дей «Менің анам - алтын» әнімен 5 сынып оқушыларын қарсы алайық. жүктеу/скачать 25,1 Kb. Достарыңызбен бөлісу:
|