ҚазаҚстан мұсылмандары діни басҚармасы АллАғА мАдАқ (таңдаулы діни өлеңдер) алматы, 2010
жүктеу/скачать 2,13 Mb. Pdf көрінісі
|
Allaga madak
| Қалкен Смайл,
Жезқазған қаласы. КөРКЕм мінЕЗ – КөРКіміЗ Сауап жинау - өміріңнің бар мәні, Имандылық - адамдықтың нәр дәні. Бейкүнә боп өту ғана өмірден – Мұсылманның ең ардақты арманы. Тіршілікте қиындыққа көнесің, Көне жүріп өсесің де өнесің. От жалын боп алаулап кеп жалғанға, Жас ұлғая бірте - бірте сөнесің. Кәпірлікті тия алмайсың өтініп, Дұшпанды кеш келмесе де өтініп. Мойындайды қателігін мұсылман, Бір Аллаға тәубе қылып, өкініп. Өмір мәнін бала жастан құлай ұқ, Жаратқанға шүкіршілік қылайық. Барға базар, барлық мақтау, ұлылық, Хақ тағала бір Аллаға лайық. Күпіршілік астамсынап мақтанған, Арам пайда - қара беттен аққан қан. Ойнасаң да ойлап сөйле, абайла, Ібілістен сақтанған жөн, сақтанған! Билей алмас ешкім бүкіл әлемді, Сайтандар жүр жұқтырам деп пәлемді. Мұсылманның мұсылмандық парызы – Шын ниетпен түзу беру сәлемді. 146 Аллаға мадақ Фәни деген бірдей ғана түсіңмен, Бақилығын ойлар мұны түсінген. Ақыретте куәлікке тұрады, Басқа түгіл шығарған сөз тісіңнен. Ой - сананы адалдыққа жеккейсің, Адал өтсең тозақта азап шекпейсің. Дәл өзіңдей көргеніңше басқаны, Мұсылмандық деңгейіне жетпейсің. Нағыз сайтан - қас тәкаппар өр пенде, Мінезің мен тұрмысыңды көркемде. Бейшараға тауфиқ тіле құдайдан, Шариғатқа шет болғанды көргенде. Сүйген құлын шын бөлейді нұрға Алла, Бес парызды өтеуіңнен құр қалма. Мәңгіліктен үміт етсең кеш емес, Дүние мен нәпсіге еріп ырғалма. Ар - иманды зердеңе сап, ойға артып, Оңдырмайтын нәпсіден жүр бой тартып. Арамдықпен тапқан байлық, шаттықтан, Ар - ұжданың адал тартқан қайғы артық! жүктеу/скачать 2,13 Mb. Достарыңызбен бөлісу:
|