ҚазаҚстан мұсылмандары діни басҚармасы АллАғА мАдАқ (таңдаулы діни өлеңдер) алматы, 2010
жүктеу/скачать 2,13 Mb. Pdf көрінісі
|
| Қалшабек Елдос.
Шымкент қаласы. КөРКЕм мінЕЗ КөРігің Бойлатпай бәле былығын, Жолатпай жаман жырығын, Теңіздің тартар тұнығын – Тазалық болсын серігің. Арың мен ақыл ажарың, Ғұмырлық ғибрат ғажабың, Бақилық бітпес базарың – Білімің болсын серігің. Шайқаста жүрек шайлықпас, Арыны адым айнытпас, Тағдырдан қилы қаймықпас – Батырлық болсын серігің. Сәлемін берсе иілер, Кісілік көрсе күйінер, Жанына жылы жыр үйер – Кішілік болсын серігің. Білдірмей қабақ бағатын, Түнектен жарық табатын, Санаңа сарай соғатын – Зеректік болсын серігін. Жайсандық жасап жұбанар, Кеңдікті жақын құп алар, Сауаптар содан құралар – Жомарттық болсын серігің. 210 Аллаға мадақ Кәсіпке кілтсіз кіретін, Алтыннан алқа ілетін, Ілгері ілбіп жүретін – Іскерлік болсын серігің. Асықпай маржан теретін, Қайғыны шаттық көретін, Ашуды көрге көметін – Сабырлық болсын серігің. Ақыдан артық алмайтын, Кісіге салмақ салмайтын, Қадірлі қашық қалмайтын – Адалдық болсын серігің. Жолына жәннат жеткізер, Өкінбей өмір өткізер, Көңілдің көркін көп түзер – Жақсылық болсын серігің. Жылпостық жалған жараспай, Шыңдарға шексіз таласпай, Апарар оған адаспай – Туралық болсын серігің. Қайырым қыл деп қинайтын, Жолыңа жауһар жинайтын, Рухыңа рахат сыйлайтын – Махаббат болсын серігің. Нұрына бөлер зердені, Заманның зәру зергері, 211 Таңдаулы діни өлеңдер Пәрменсіз өбер пендені – Мейірім болсын серігің Нәпсіге ырық бермейтін, Күпірлік іске көнбейтін, Орнатсаң мәңгі өлмейтін – Иманың болсын серігің. Меңгерсең мұның барлығын, Сол болмақ сенің сенімді, Көркем мінез көрігің! |