Сұрақ:
Аузымды ашамын деп ниет етіп, бірақ ашпаса
ораза бұзыла ма?
Жауап:
Аузын ашуға ниет еткен адамның оразасы тамақ
ішпегендіктен бұзылмайды. Себебі, оразаны бұзатын әрекет
жасалмады.
Сұрақ:
Сәресі уақытында әуелі су ішу керек пе, әлде
ниет еткеннен кейін ішу керек пе?
Жауап:
Ауыз бекіту уақыты – ниет еткеннен кейін емес,
таң намазының уақыты кірісімен басталады. Сол себепті,
сәресі уақыты әлі шықпаған болса (яғни, таң намазы кіріп
қоймаған болса), қайта су ішуіне болады. Бұл әрекеті алдын-
ала жасаған ниетін бұзбайды, һәм оразасы дұрыс болып
саналады. Десе де ауыз бекітетін уақыт кірмеген болса,
сәресіден кейін пастамен тісін тазалап, су ішіп болған соң
ниет етіп, дұғасын жасағаны абзал.
Достарыңызбен бөлісу: | 
