Қазақстан өз тәуелсіздігін алғаннан бастап-ақ зиялы қауым өкілдері, есімдері елімізге белгілі ғалымдар латын қарпіне көшудің қажеттігі және маңыздылығы жөнінде ұсыныс-пікірлерін білдірді
жүктеу/скачать 14,07 Kb.
|
мезгіл міндеті
- Бұл бет үшін навигация:
- Қаныбек ЖҰМАШЕВ, «Нұр Отан» партиясының хатшысы
|
Қазақстан өз тәуелсіздігін алғаннан бастап-ақ зиялы қауым өкілдері, есімдері елімізге белгілі ғалымдар латын қарпіне көшудің қажеттігі және маңыздылығы жөнінде ұсыныс-пікірлерін білдірді. Бірақ болашақты ойлаған Елбасы бұл мәселеге асықпау қажеттігін, уақыты келгенде қолға алатын ізгі іс екенін айтқан болатын. Міне, Президент айтқан межелі мезгілі келді. Тіл тағдыры – ел тағдырымен сабақтасып жатқанын әрбір саналы азамат біледі. Өйткені тілі жойылған елдің өзі де тарих сахнасынан кетеді. Мәңгілікке бет алған жасампаз халық ең алдымен, тілінің жойылмауын ойлауы керек. Қазақ халқының тұрақты сөз тіркестері бірқатар озық елдердің сөздік қорынан көп екенін лингвист-ғалымдар нақты дәйектер арқылы дәлелдеп жүр. Бұл – үлкен рухани байлығымыз. Сондықтан қаріптерімізді латынға көшіру кезінде осы байлығымыздан айырылып қалмаудың жолдары да кеңінен талқыланды. Тілші-ғалымдарымызды айтпағанда, қарапайым халық та бұл мәселеге бейжай қарамайтындарын білдірді. Елбасының «Болашаққа бағдар: рухани жаңғыру» мақаласы жарияланғаннан кейін «Нұр Отан» партиясының жергілікті ұйымдарында, партия филиалдары жанындағы қоғамдық кеңестер мен комиссиялардың отырыстарында бұл мәселе түрлі саланың мамандарының қатысуымен кең түрде талқыланды. Президент түрлі деңгейдегі талқылауларда айтылған ұсыныстарды ескере отырып, биылғы 19 ақпанда әліпбиге өзгерістер енгізді. Бұл өзгерістер, әлбетте, әліпбиіміз арқылы қазақ тілінің халықаралық деңгейде танылуына жол ашады. Қазақ тіліне компьютерлік жаңа технологиялар арқылы халықаралық ақпарат кеңістігіне кірігуге мүмкіндік береді. Қазіргі таңда түбі бір түркі дүниесі, негізінен, латын әліпбиін қолданады. Біздерге олармен рухани, мәдени, ғылыми, экономикалық қарым-қатынасты, тығыз байланысты одан әрі күшейтуімізге осы латын әліпбиі ерекше ықпал ететін болады. Қолданылуға өте ыңғайлы, әлемдік жаңа технологияларға үйлестірілген, қазақ тілінің, сондай-ақ Қазақстанда тұрып жатқан басқа да ұлттар мен ұлыстардың тілдік жайларын да қамтитын латын қарпіндегі әліпбиіміздің жаңа нұсқасы шын мәнінде, халқымыздың рухани жағынан жаңғыруына жол ашатын ұлттық кодымыздың кілті болмақ. Қаныбек ЖҰМАШЕВ, «Нұр Отан» партиясының хатшысы жүктеу/скачать 14,07 Kb. Достарыңызбен бөлісу:
|