Пәннің негізгі міндеті «6В01701-Қазақ тілі мен әдебиеті» мамандығының білім беру бағдарламасы бойынша оқытудың келесі нәтижелерін қалыптастыру болып табылады:
ОН10 – тіл мен әдебиет салаларын оқытуда педагогикалық-психологиялық ерекшеліктерді меңгереді, кәсіби өсу жолында өзінің білім траекториясын құрастырады; ОН12– қазақ әдебиетінің тарихын, теориялық мәселелерін және даму бағыттары мен үрдістерін біледі және көркем шығарманы талдауда қолданады. 4. Курстың академиялық саясаты: - әдебиет туралы ғылымның тарихын, сөз өнерінің қоғамдық функциясын түсініп, практикада қолдана білу;
- көркем әдебиеттің өзіне ғана тән ерекшеліктерімен оның эстетикалық құрылымын, көркем шығарманы талдау жолдарын, әдебиеттануға қатысты айтылған отандық және шетелдік ғалымдардың ойларын, пікірлерін білу;
- әр дәуірдегі әдеби ағым заңдылықтарымен таныс болу;
- әдебиеттің теориясына, тарихына және сынына қатысты фундаменталды білімдер жүйесін тану;
- әдеби құбылыстарды талдай білу және оның жеке поэтикамен қарым-қатынасы мен байланысын сараптай алады.
Академиялық тәртіп ережелері: Студент сабаққа қатысуға міндетті, кешігуге болмайды. Сабаққа қатыспаған жағдайда 0 балл қойылады. Тапсырмаларды (СӨЖ, аралық, бақылау, жобалық жұмыстар мен тапсырмаларды және т.б.) орындау және тапсыру мерзімдерін міндетті түрде сақтау қажет. Тапсыру мерзімі бұзылған жағдайда тапсырма айыппұл баллдарын шегеру есебімен бағаланады. Әрбір аудиториялық сабаққа төменде келтірілген кестеге сәйкес алдын ала дайындалуыңыз керек. Тапсырманы дайындау тақырыбы талқыланатын аудиториялық сабаққа дейін аяқталуы тиіс.
Академиялық құндылықтар:Академиялық адалдық және тұтастық: барлық тапсырмаларды орындау дербестігі; плагиаттың, жалғандықтың, шпаргалкаларды пайдаланудың, білімді бақылаудың барлық түрлерінде көшіріп алу және оқытушыны алдауды болдырмау. Мүмкіндігі шектеулі студенттер e-mail, whatsapp бойынша кеңес ала алады.
