ОҚыЛыМ 1. Сұрақтарға жауап беріңіз. 1. Сіз шетелде болдыңыз ба? Қай жерлерде болдыңыз?
2. Сізге шетелде тұру ұнай ма?
3. Сіздің шетелде тұрғыңыз келе ме?
4. Сіздің шетелдік досыңыз / танысыңыз / әріптесіңіз бар ма?
2. Оқыңыз. Бойымдағы жағымсыз қасиеттерден арылған сияқтымын....
Ұлыбританияда оқып жүрген кезім өмірімде ерекше орын алады. Сол туралы айтайын. Оны Қазақстанмен, қазақ менталитетімен, ерекшелігі мен ұқсастықтарын салыстырасың. Әрине өзгешелік бар. Ондағы жастар да, кәрілер де біздікілермен салыстырғанда басқаша. Халық жалпы спортқа бейім. Кәрісің бе, жассың ба, ешкім оған қарап жатқан жоқ. Бәрі спортпен шұғылданады. Оларға қарап, мен де спортпен жиі шұғылданайын деп шештім. Олар күндіз сабақ оқып, жұмыс істесе, кешке қарай жүгірумен айналысады. Менталитетіне келетін болсам, ағылшындар бір ұстаным, ережемен жүруге үйренген. Белгілі бір ережені бұзуға тырыспайды. Мәселен, көшеде қоқыс тастаудың өзіне үлкен жауапкершілікпен қарайды. Қаланы барынша таза ұстауға тырысады.
