Қазақстан Республикасы Президентінің жанындағы Мемлекеттік басқару
жүктеу/скачать 0,57 Mb. Pdf көрінісі
|
adep-zhane-akademiyalyk-adaldyk-kodeksi-kz
| 4. Зерттеу әдебінің қағидалары
19. Қызметкерлер және білім алушылар зерттеу әдебінің келесі қағидаларын сақтайды: кез келген зерттеу практикалық және әлеуметтік мәнге ие, анық деректер алу мақсатында негізделуі және ұйымдастырылуы тиіс; деректерді жинауды өткізетін тұлға Зерттеулер жөніндегі комитетті осы Кодекстің 1-қосымшасына сәйкес нысан бойынша жоспарланған зерттеу туралы хабардар етуі және тәуекелдердің алдын алу және жеңілдету шараларын, сондай-ақ күтпеген жағдаяттарда болуы мүмкін қиын сәттерді конструктивті шешу шараларын ескере отырып, зерттеу қатысушыларына қатысты потенциалды тәуекелдерді бағалауды жүргізуі тиіс. Психологиялық стресті қоса алғанда «тәуекел» деп зерттеудің қатысушысына/респондентке келтірілуі ықтимал зиян немесе залал айтылады; ар-намыс пен абыройды құрметтеу қағидатын сақтау зерттеудің қатысушыларынан/респонденттерден осы Кодекстің 2-қосымшасына сәйкес нысан бойынша қатысуға келісім алуды талап етеді; зерттеуге қатысушыларды/респонденттерді қатыстыра отырып деректерді жинақтау құпиялылық қағидатын сақтай отырып, қатаң жүргізілуі тиіс; қатысушының келісімімен оның кім екенін ашу жағдайларын есептемегенде, зерттеу барысында зерттеуге қатысушылардан алынған немесе қатысушы туралы ақпарат құпия болып табылады; егер зерттеуді жүргізу қатысушының/респонденттің жеке басына қатысты ақпаратты ашуды талап ететін болса, әрбір қатысушы бұл туралы алдын ала хабардар етілуі керек және содан кейін жүргізіліп жатқан зерттеуге қатысуға келісімді беруі, не оны беруден бас тартуы тиіс; әрбір зерттеуге қатысушы/респондент сұхбат/әңгімелесу/бақылаудың өткізілетіндігі немесе сауалнама жүргізілетіндігі туралы алдын ала хабардар етілуі қажет; егер кейбір респонденттер алдағы сұхбаттың сұрақтарымен алдын ала танысуға тілек білдіріп жатса, зерттеу жүргізетін тұлға респондентке осы сұрақтарды беруі керек; зерттеу жүргізетін, әрбір қызметкер және білім алушы зерттеу қатысушыларының мүдделері мен құқықтарын қорғау мақсатында алынған деректерді сақтауды қамтамасыз етуі тиіс; хабарлама нысаны, ақпараттандырылған келісімнің қол қойылған нысандары, сауалнамалар, сұхбат/әңгімелесудің аудиожазбалары, статистикалық деректерді қоса алғанда, зерттеу жұмысының жүргізілуі туралы толық жазбалар мен құжаттаманы Зерттеулер жөніндегі комитет тарапынан сұрау салынған жағдайда тексеру үшін қауіпсіз жерде сақтау қажет; зерттеу қызметінің әдебі плагиаттың кез келген формаларын, сондай-ақ зерттеуді ұйымдастыру, өткізу, деректерді талдау және нәтижелерді жариялау кезінде жауапсыз іс-қимылдарды мүлдем қабылдамауды жобалайды; зерттеуді жүргізу кезінде ықылассыз мінез-құлыққа жол бермеу, атап айтқанда, осы әрекеттің себебіне және олардың келісімінің болуы немесе болмауына қарамастан, жүргізілген зерттеуге ешқандай қатысы жоқ тұлғаларды тең авторлыққа қосу, бірлескен зерттеулер мен жұмыстардың нәтижелерін иемденуге тең; Академия қызметкерлері мен білім алушылары зерттеу әдебі қағидаларын сақтамағаны үшін жеке жауапкершілік алады; жобалық топтың жетекшісі зерттеу әдебі қағидаларын зерттеу тобының мүшелері сақтамағаны үшін жауапкершілік алады. 20. Академия қабырғасында дайындалған зерттеу жобаларының жарияланымында Академияға тиісті сілтеме жасалуы қажет. жүктеу/скачать 0,57 Mb. Достарыңызбен бөлісу:
|