Қазақстан Республикасының Білім және ғылым министрлігі КӘсіби педагогика
– дидактикалық ойындар. Педагогикалық практикада ойынның маңызды қасиеті –
жүктеу/скачать 1 Mb. Pdf көрінісі
|
Кәсіби педагогика
| –
дидактикалық ойындар. Педагогикалық практикада ойынның маңызды қасиеті – оның оқушылардың болашақ оқу және практикалық іс-әрекетінде қажетті тұтас тәжірибені қалыптастыруды қамтамасыз ету қабілеті қолданы- лады. Ойынның бұл қасиеті оның Оқу үдерісіндегі орнын және оқытудың ойын емес әдістерімен өзара әрекеттесуін негіздейді. Білікті жұмысшылар мен мамандарды даярлау жағдайында іскерлік ойындар кеңінен қолданылады. Олардың негізгі мақсаты – нақты белгілі бір жағдайларда әрекет етудің нақты іскерліктерін қалыптастыру және пысықтау. Іскерлік ойындарды өткізу барысында оқушылар арнайы сәнделген жағдайларда берілген өндірістік жағдайларды жедел талдап (апатты жағдайға дейін) және оңтайлы шешім қабылдап, берілген параметрлердің негізінде ақауларды іздестіруді, неғұрлым орынды Технологиялық үдерісті таңдауды, экономикалық проблемаларды және т. б. шешуді үйренеді. Толық негіздегі іскерлік ойындарға теориялық және өндірістік оқытуда кеңінен қолданылатын тренажерлардағы оқушылардың жаттығуларын жатқызуға болады. «Белсенді» оқыту әдістеріне толық негіз болатын проблемалық оқытуды жатқызуға болады, оның мәні оқушылардың оқу, өмірлік және өндірістік жағдайлармен соқтығысуы және оларды осы жағдайларда «алғашқы ашушылар», «зерттеушілер» жағдайына қою болып табылады. Проблемалық оқытудың теориясы мен практикасы мәселелері педагогикалық әдебиетте кеңінен ашылған. Арнайы және 37 жалпы техникалық пәндерді зерделеу кезінде проблемалық жағдай- ларды құрудың негізгі жолдарына ғана тоқталайық. Мұндай жағдайлар, әдетте, осы пәндер мен өндірістік оқытудың нақты материалдарында құрылады: — оқушыларды жаңа қолайсыз жағдайларда практикалық білім мен іскерлікті қолдану қажеттілігі жағдайында қою; — міндеттерді шешу арқылы теориялық немесе қағидат мүмкін болатын және осы тәсілдің іс жүзінде жүзеге асырылмауы немесе орынсыздығы арасындағы қайшылықтарды ашу; — оқушыларды өздеріне белгілі бірқатар шешімдерден дұрыс шешім таңдау қажеттілігі алдында қою; — оқушыларды қойылған тапсырманы шешу үшін олардың білімі мен біліктері жеткіліксіз екенін түсінетін жағдайға қою [14]. Оқушылардың оқу-танымдық қызметін жандандыруға кәсіби лицейлерде кеңінен қолданылатын техникалық шығармашылықты дамыту бойынша ұтымды ұйымдастырылған сыныптан тыс жұмыс үлкен үлес қосады. Бұл – кәсіби шеберлік байқаулары, ғылым- практикалық конференциялар, жаңашылдармен, рационализатор- лармен және өнертапқыштармен, ғылым мен техниканың көрнекті өкілдерімен кездесулер, үздік жұмыстар көрмелері, қоғамдық-кон- структорлық бюролардың, еңбекті ғылыми ұйымдастыру топтарының жұмысы, рационализаторлар мен өнертапқыштардың оқушылар қоғамы, пәндік және техникалық үйірмелердің жұмысы және сыныптан тыс жұмыстың басқа да түрлері. жүктеу/скачать 1 Mb. Достарыңызбен бөлісу:
|