Қазақстан Республикасының Экология, геология және табиғи ресурстар министрлігі
Сумен жабдықтау және канализация жағдайы, халықты орталықтандырылған
жүктеу/скачать 4,19 Mb. Pdf көрінісі
|
nd2019kz
| Сумен жабдықтау және канализация жағдайы, халықты орталықтандырылған
сумен жабдықтау және су тартумен қамтамасыз ету. Қала халқының орталықтандырылған сумен жабдықтауға қол жеткізуі Атырау қаласы мен Құлсары қаласы бойынша 100% құрайды. Облыс бойынша 2018 жылы барлығы 164 ауылдық елді мекен болды (АЕМ) (328575 адам), оның ішінде 130 АЕМ немесе 79,2%-ы орталықтандырылған сумен жабдықтауға қол жеткізе алады, 13 АЕМ немесе 7,9%-ы орталықтандырылмаған сумен жабдықтауды пайдаланады, 21 АЕМ немесе 12,9%-ы тасымалданатын суды пайдаланады. 198 Облыс халқы Жайық, Қиғаш, Шарон өзендерінің, Қоянды, Мұздыбұлақ, Тайсойған, Кереген Сағыз кен орындарының жер асты суларынан және Қиғаш-Маңғышлақ топтық су құбырымен қамтамасыз етіледі. Облыс бойынша сумен жабдықтау желілерінің жалпы ұзындығы 2018 жылы - 4137,5 км 2019 жылы — 4212,2 км, оның ішінде тек 77,2 км 2018 жылы және 97,1 км 2019 жылы ауыстыруды қажет етеді (Статистика комитетінің деректері). 2011-2018 жылдарға арналған бағдарлама аясында 108 сумен жабдықтау нысанының құрылысы аяқталып, пайдалануға берілді. Нәтижесінде осы кезеңде ауылдық елді мекендерді орталықтандырылған сумен жабдықтау көрсеткіші 52%-дан 79,2%-ға дейін артты. Қалаларда халықтың 100%-ы орталықтандырылған сумен қамтамасыз етілген. Құрманғазы ауданы Сүйіндік-Асан-Ұштаған селосындағы магистральды су құбырының құрылысына және Жылыой ауданы Қарағай селосындағы су құбыры желілерінің құрылысына жобалау-сметалық құжаттама әзірленді. Сонымен қатар, Құрманғазы ауданының Алға, Қаракөл, Голбин, Көкарна және Котяев- Кудряшов селоларында сумен жабдықтау жүйесін салуға жобалық-сметалық құжаттама әзірленуде. Облыс бойынша кәріз жүйелері Атырау, Құлсары қаласында және 12 елді мекенде бар, бұл елді мекендердің жалпы санының 8,4% құрайды. Кәріз желілерінің жалпы ұзындығы өзгермейді және 415,7 км құрайды, оның 62,8 км 2018 жылы және 2019 жылы 73,7 км ауыстыруды қажет етеді (Статистика комитетінің деректері). жүктеу/скачать 4,19 Mb. Достарыңызбен бөлісу:
|