Қазақстан республикасының орта білім беру ұйымдарында
жүктеу/скачать 1,07 Mb.
|
«Физика» оқу пәні«Физика» пәнін оқыту мақсаты – білім алушылардың ғылыми дүиетанымдық негіздерін, әлемнің жаратылыстану-ғылыми бейнесін тұтастай қабылдауын, өмірде маңызды практикалық мәселелерді шешуде табиғат құбылыстарын бақылау, жазу, талдау қабілеттерін қалыптастыру. 7-9-сыныптарда «Физика» пәні төмендетілген оқу жүктемесімен үлгілік оқу жоспарының (2021 жылғы 26 наурыздағы №125 бұйрықпен өзгертулер мен толықтырулар енгізілді) негізінде және үлгілік оқу бағдарламасымен оқытылады (2020 жылғы 27 қарашадағы № 496 бұйрығы). «Физика» оқу пәнінен төмендетілген оқу жүктемесімен әзірленген 7-9сыныптарға арналған Үлгілік оқу бағдарламасында пән бойынша жаңартылған мазмұнның үгілік оқу бағдарламасының бөлімдері толығымен сақталған, оқыту мақсаттары жүйеленді. Оқу жоспарының көлемін 1 сағатқа дейін төмендету үшін қажет болған жағдайда «*» белгісі қойылған тақырыптарды біріктіру ұсынылады. Жүктеменің сағатын көбейту үшін 7-9-сыныптарда «Физика» пәні бойынша төмендетілген оқу жүктемесімен үлгілік оқу жоспары (2021 жылғы 26 наурыздағы № 125 бұйрықпен өзгертулер мен толықтырулар енгізілді) негізінде әзірленген ұзақ мерзімді жоспардың мазмұны сақталады. Оқу материалының көлемін ұлғайту үшін мұғалім «Қолданбалы физика» тақырыптарын енгізе алады, сандық және сапалық есептерді шығару, практикалық тапсырмаларды орындау үшін сағаттардың санын көбейтуге мүмкіндігі бар. Физика сабағында аймақтық және жергілікті аспектілерде қолданбалы құндылығы бар оқушылардың жобалық қызметін ұйымдастыру, физика саласындағы Қазақстанның ғылыми жетістіктерін зерттеу ұсынылады. 8-9-сыныптарда «Физика» пәнін оқытуда пәннің практикалық бағыттылығы күшейтіледі. 56-кестеде «Физика» пәнінен (7-9-сыныптар) оқу жүктемесі төмендетілген Үлгілік оқу жоспарына негізделген әр тоқсан сайын өткізілетін бөлім бойынша жиынтық бағалау саны көрсетілген. 56-кесте. «Физика» оқу пәнінен бөлім бойынша жиынтық бағалау саны
Төмендетілген оқу жүктемесімен үлгілік оқу жоспарына (2021 жылғы 26 наурыздағы № 125 бұйрығымен өзгертулер мен толықтырулар енгізілді) сәйкес «Физика» пәнінің апталық жүктемесі 1 сағат болғанда тоқсандық жиынтық бағалау өткізілмейді, қорытынды баға жартыжылдыққа қойылады. «Физика» пәні бойынша білім алушылардың сөздік қорын байыту бойынша жүйелі жұмыстар жүргізу қарастырылады. Халықаралық зерттеу шеңберінде функционалдық сауаттылықты қалыптастыру және білім жетістіктерінің деңгейін жоғарылату үшін білім алушыларға келесі тапсырмалар мен жұмыстарды орындау ұсынылады: диаграммалар, сызбалар, физикалық процестердің жиынтық және аналитикалық кестелерді жасай білу. Сондай-ақ, мұғалім сипаттау, салыстыру, графикті талдау, қорытынды жасау және жалпылама қорыту (жазбаша және ауызша) дағдыларын қалыптастыру; есептердің шешімін сауатты ресімдеуге назар аудару қажет. Негізгі орта мектепте физика сабақтарында білім алушылардың жасалынған практикалық және зертханалық жұмыстар бойынша кеңейтілген жазбаша есептерді немесе ауызша баяндамаларды дайындауға, ауызша және жазбаша сөйлеу мәдениетін, олардың пікірлерінің қисындылығы мен дәлелдермен түйінделу дәрежесін арттыруға үйрету ұсынылады. Зертханалық және практикалық жұмыстың қажетті көлемін орындау үшін ақпараттық және компьютерлік технологияларды (виртуалды жұмыс) пайдалану, оқушылардың эксперименттік деректер мен қорытындыны жасай алуына басты назар аударылады. Ы. Алтынсарин атындағы Ұлттық білім академиясы мұғалімдерге көмек ретінде білім мазмұнын жаңарту аясында «Физика» (7-9-сыныптар) оқу пәнін оқыту бойынша әдістемелік ұсынымдамалар әзірледі. Әдістемелік ұсынымдамаларды Ы.Алтынсарин атындағы ҰБА сайтынан (www.nao.kz ) алуға болады. Педагог осы оқу жылында «Физика» пәні бойынша оқушылардың білімдеріндегі олқылықтардың орнын толықтыру жұмысына ерекше назар аударуы қажет. Білім алушылардың білімдеріндегі олқылықтардың орнын толықтыру бойынша ұсынылатын жұмыс алгоритмі: өткен оқу жылындағы оқу мақсаттары, оқу бағдарламасының тақырыптары және күрделі тақырыптар бойынша диагностикалық бақылау жұмысын жүргізу; өткен оқу жылындағы оқу бағдарламасының мазмұнына сүйене отырып, білім алушы меңгере алмаған оқу мақсаттарын айқындау; қысқа мерзімді жоспарды жасау кезінде білім алушылардың игермеген оқу мақсаттарын, өткен оқу жылының тақырыптарын жаңа оқу жылындағы бағдарламалық материалдың мазмұнына біріктіру ұсынылады; қосымша сабақтар, зерханалық жұмыстар, «Механика», «Жылу физикасы», «Электр және магнетизм»», «Геометриялық оптика», «Кванттық физика элементтері» бөлімдері бойынша консультациялар өткізу. 8-9-сыныптарда: оқу бағдарламасының «Механика», «Жылу физикасы», «Электр және магнетизм»», «Геометриялық оптика», «Кванттық физика элементтері» бөлімдері бойынша білім алушылардың меңгермеген оқу міндеттерін орындау. жүктеу/скачать 1,07 Mb. Достарыңызбен бөлісу:
| ||||||||||||||||||||||||