Еңбек қауіпсіздігі және еңбекті қорғау саласындағы бағдарламалар мен іс-шаралар жоспарлары

5.3.2.1.1. ҚМГ компаниялар тобының ұйымдары мен олардың құрылымдық бөлімшелері бойынша іс-шараларды ЕҚ, ӨҚ және ҚОҚ қызметтері әрбір жылға әзірлейді (жоспарланатын жылдың басына дейін). Іс-шараларды әзірлеуге барлық құрылымдық бөлімшелер (бөлімдер мен қызметтер) қатысуы тиіс.

5.3.2.1.2. Бөлімшелер белгіленген мерзімдерде өз ұсыныстарын ЕҚ, ӨҚ және ҚОҚ қызметіне ұсынады, ол оларды талдайды, жинақтайды және келесі жылға арналған іс-шаралар жобасын тоқсандарға бөліп және қаржыға қажеттілікті көрсете отырып дайындайды. Бөлімдер мен қызметтердің ұсыныстарында олардың қызмет бағыттары бойынша еңбек қауіпсіздігі және еңбекті қорғау мәселелері көрсетілуге тиіс.

5.3.2.1.3. Іс-шаралар жобасы тиісті бөлімдермен, қызметтермен келісіледі және ҚМГ компаниясының немесе құрылымдық бөлімшесінің бірінші басшысы бекітеді.

5.3.2.1.4. ЕҚ, ӨҚ және ҚОҚ қызметі бекітілген, қаржылық негізделген, тоқсандарға бөлінген және жауапты тұлғалар немесе құрылымдық бөлімшелер көрсетілген іс-шараларды орындаушыларға жеткізіледі.

5.3.2.1.5. Жұмыс жоспарларын оңайлату және түсінікті ету үшін ЕҚ, ӨҚ және ҚОҚ қызметтеріне жылдық іс-шаралар негізінде айларға бөлінген және орындау мерзімдері, қажетті қаржы қаражаты, нақты орындаушылар көрсетілген тоқсандық (жедел) іс-шараларды жасау ұсынылады.

5.3.2.1.6. Іс-шаралар келесі жұмыс түрлерін (жылдық, тоқсандық) қамтуы тиіс:

1) ЕҚжЕҚ жай-күйін бақылаудың тиісті деңгейлерін ұйымдастыру және жүргізу;

2) жұмыстардың дұрыс жүргізілуіне және тиісінше ресімделуіне тексеру жүргізу;

3) пайдалану ережелерінің сақталуын, қысыммен жұмыс істейтін ыдыстарды, аппараттарды, бу және су жылыту қазандықтарын, электр қондырғыларын, жүк көтергіш машиналар мен механизмдерді, аспалы және жүк қармауыш айлабұйымдар мен құрылғыларды және т. б. куәландыру мен сынаудың уақытылы жүргізілуін бақылауды жүзеге асыру ;

4) технологиялық режимдердің, регламенттердің, нұсқаулықтардың сақталуын бақылауды жүргізу;

5) апаттарды, өртті немесе өндірістік ақауларды шартты түрде жоюға арналған қондырғыны қызметкерлерге бере отырып, апаттарды жою жоспарлары бойынша оқу-жаттығу сабақтарын өткізу;

6) өндірістік объектілерді еңбек жағдайлары бойынша аттестаттауды ұйымдастыру және жүргізу, аттестаттау нәтижелерін талдау, қарау;

7) өндірістік және мінез-құлық тәуекелдерін бағалауды ұйымдастыру және жүргізу;

8) объектілерде, өндірістік бірліктерде, құрылымдық бөлімшелерде ЕҚжЕҚ жай-күйін есепке алу, талдау және бағалау жөніндегі жұмысты ұйымдастыру;

9) іс-шаралардың уақытылы орындалуын бақылауды жүзеге асыру, ЕҚжЕҚ жөніндегі ТЖК-да, ҚМГ компаниялар тобы ұйымының басқармасында және құрылымдық бөлімшелерде басшылардың оның орындалу барысын қарауы;

10) профилактикалық қызмет көрсету және жабдықты жөндеу жүйесінде көзделген жұмыстардың орындалу барысын техникалық кеңестерде қарау;

11) ЕҚжЕҚ мәселелері бойынша кеңестер, конференциялар, форумдар, активтер өткізу;

12) ЕҚжЕҚ, өндіріс мәдениеті мәселелері бойынша байқау-конкурстарды ұйымдастыру және өткізу;

13) ЕҚжЕҚ жөніндегі жергілікті нұсқаулықтарды, әдістемелік материалдарды, жаднамаларды, бейнематериалдар мен басқа да ЕҚжЕҚ жөніндегі құралдарды әзірлеу, қайта қарау, басып шығару;

14) оқытудың техникалық құралдарын, анықтамалық, нормативтік-техникалық құжаттаманы, плакаттар мен бейнематериалдарды, қауіпсіздік белгілерін сатып алу және енгізу, кабинеттерді жабдықтау жөніндегі жұмыстар;

15) ЕҚжЕҚ мәселелерін насихаттау бойынша қажетті іс-шараларды ұйымдастыру және өткізу;

16) тәжірибе алмасуды ұйымдастыру, осы салада үздік әлемдік тәжірибелерді енгізу;

17) ҚМГ компаниялар тобы ұйымдарының және құрылымдық бөлімшелердің жұмыс нәтижелерін талдау және қорыту, жұмыс бойынша көзделген есептерді жасау;

18) мемлекеттік бақылау және қадағалау органдарының ұзақ мерзімді нұсқамаларын орындау;

19) моральдық ескірген және табиғи тозған негізгі қорлардың техникалық аудитінің нәтижелері бойынша іс-шараларды орындау;

20) өртті қадағалау және қызмет көрсету жөніндегі іс-шаралар;

21) санитариялық-техникалық қызмет көрсету жөніндегі іс-шаралар;

22) сақтандырудың барлық түрлері бойынша іс-шаралар;

23) арнайы киім, арнайы аяқ киім және басқа да ЖҚҚ сатып алу;

24) арнайы тамақтандыруды ұйымдастыру.

Жұмыс түрлерінің көрсетілген тізбесі толық болып табылмайды, оны ҚМГ компаниялар тобы ұйымдарының және құрылымдық бөлімшелерінің ерекшелігіне байланысты және жоғары тұрған органдардың нұсқауларын, өкімдерін ескере отырып толықтыруға болады.

Іс-шараларды екі бөлімге бөлу ұсынылады:

1) «Ұйымдастырушылық», олар ЕҚ, ӨҚ және ҚОҚ қызметтерінің жауапкершілігімен әзірленеді және орындалады;

2) «техникалық» өндірістік құрылымдық бөлімшелердің (бөлімдердің, қызметтердің) жауапкершілігімен әзірленеді және орындалады.

5.3.2.1.7. Бөлімшелердің жедел тоқсандық жұмыс жоспарлары ЕҚ, ӨҚ және ҚОҚ қызметімен, басқа да мүдделі бөлімшелермен келісілуі, оларға бұрыштама қойылуы, одан кейін бірінші басшының өндіріс жөніндегі орынбасары бекітуі тиіс.

5.3.2.1.8. ЕҚжЕҚ бойынша іс-шаралар жеткілікті түрде қаржымен қамтамасыз етіледі және ҚМГ компаниялары тобы ұйымының бюджетінде жеке баппен бөлінеді.

5.3.2.1.9. Іс-шараларды әзірлеу:

1) бағалау нәтижелерінің/бағалаудың және зияткерлік өндірістік факторлардың;

2) өндірістік объектілерді еңбек жағдайлары бойынша аттестаттау қорытындыларының;

3) өндіріс қауіпсіздігі мен еңбек жағдайларының жай-күйін, ғимараттардың, құрылыстардың, жабдықтардың, өндірістік және тұрмыстық үй-жайлардың жай-күйін ішкі тексеру нәтижелерінің (актілер, анықтамалар, ақпарат);

4) ҚМГ компаниялар тобының қызметкерлерінің және/немесе қызметкерлер өкілдерінің ұсыныстары мен ескертулерінің;

5) өндірістік жарақаттылық, кәсіптік аурулар, оқиғалар мен жазатайым жағдайлар фактілерін тергеу материалдарын талдау нәтижелерін талдау қорытындыларының;

6) мемлекеттік бақылаушы органдардың қаулыларының, нұсқамалары мен өзге де құқықтық актілерінің;

7) еңбек жағдайларын жақсарту жоспарларының, бағдарламаларының және еңбек жағдайларының жай-күйін көрсететін басқа да құжаттарды орындау қорытындыларының;

8) басқа да көрсеткіштердің негізінде жүзеге асырылуы тиіс.

5.3.2.1.10. Жылдық (тоқсандық) жұмыс жоспарларында көзделген ЕҚжЕҚ бойынша іс-шаралардың орындалу мониторингі ҚМГ компаниялар тобы ұйымының құрылымдық бөлімшелердің басшыларына (бизнес-бағыттардың басшыларына), бақылау – ЕҚ, ӨҚ және ҚОҚ қызметіне жүктеледі.