«Дүниетану» пәні бойынша күнтізбелік-тақырыптық жоспарлау. Пән бойынша оқу жүктемесінің көлемі аптасына 1 сағат, оқу жылында 35 сағатты құрайды. «Дүниетану» пәнін оқытудың мақсаты: білім алушыларда ұлттық және жалпыадамзаттық құндылықтар тұрғысынан адамның, қоғам мен табиғаттың өзара байланысы мен өзара шарттылығы туралы білім жүйесін қалыптастыру.
Оқу міндеттері:
1) білім алушыларда қоғамның, табиғи құбылыстар мен объектілердің өзара байланысы мен өзара қарым-қатынасы туралы түсініктерді қалыптастыру;
2) білім алушыларда табиғи, әлеуметтік және технологиялық ортада мінез-құлық нормалары мен қауіпсіздік ережелерін қалыптастыру;
3) білім алушыларда табиғи және әлеуметтік шындықты тану дағдыларын қалыптастыруды қамтамасыз ету: байқау, эксперимент, сауалнама;
4) білім алушылардың танымдық қызметін дамытуды қамтамасыз ету;
5) білім алушыларға қазіргі қазақстандық қоғамға тән ұлттық және жалпыадамзаттық құндылықтар жүйесін дарыту;
6) оқушылардың қоршаған ортаға, қоғамның табиғи және мәдени құндылықтарына оң көзқарасын қалыптастыру
«Дүниетану» пәнінің мазмұны осы пән қоғамдық-гуманитарлық ғылымдарының кіріспе курсы болып табылатындай өзгертілген. Ол Қазақстан халқының әлеуметтік, моральдық, шығармашылық және коммуникативтік жақтарының жалпы бейнесін көрсетеді, оқушыларда ең алдымен өзі, үйі және отбасы туралы сұрақтар негізінде қоршаған әлем туралы түсініктерін дамытуға ықпал етеді.
