Бағдарламасы мұҒалімге арналғАН
жүктеу/скачать 4,87 Mb. Pdf көрінісі
|
Руководство для учителя ЛУШ
- Бұл бет үшін навигация:
- Баланың не үйренгені туралы сын тұрғысынан ойлау
| іс-әрекеттен
кейінгі толғаныс » жүреді. Бұл үдеріс кейінірек, біз жазбаны аяқтап, оны әріптесімізбен немесе тәлімгермен талқылай бастағанда жүзеге асырылады. «Іс-әрекеттен кейінгі толғаныс» актісі топта не болып жатқанын, өзіміздің белгілі бір жағдайда неге дәл осындай іс-әрекет жасағанымызды зерттеуге мүмкіндік береді. Сонымен қатар біз өзіміздің іс-әрекетіміз бен тәжірибемізге қатысты бірқатар ойлар мен сұрақтарды анықтаймыз. Төмендегі дағдылардың кейбіреуі рефлексиялық оқыту тұрғысынан қолданылады: • проблемаларды анықтап, оларды шешудің шынайы құралдарын айқындау; • проблемаларды шешудегі басымдықтардың, иерархияның және кезектіліктің маңызын түсіну; • тиісті ақпаратты жинақтау мен сұрыптау; • нақты және түсінікті сипаттама; • белгіленбеген жорамал мен құндылықтарды мойындау; • нәтижелерді түсіндіру, дәлелдерді бағалау, тұжырым жасау; • шынайы қорытындылар мен жалпылаулар жасау; • жасалған тұжырымдар мен жалпылауларды қуаттау; • алынған тәжірибенің негізінде ұстаным модельдерін түзету. Баланың не үйренгені туралы сын тұрғысынан ойлау Рефлексиялық оқытуға балалардың үйренгендері жайында сын тұрғысынан ойлау кіреді. Бұл олар көрсеткен сын тұрғысынан ойлау дағдыларын зерттеуді, жазып алуды және бағалауды талап етеді. Бұл қабілеттер мен дағдылар оқу үдерісіндегі белгілі бір дәлелдерді талқылап, қарастыруды қажет ететін тапсырмаларды орындау барысында көрініс береді. Бұл арқылы олар, мәселен, саяхатшылар мен көлік туралы біледі, өйткені бұл адамдардың өмір жолын тілге тиек ете отырып, қажеттіліктерді танып-білуге құрылған немесе тарихтағы өзгерістер мен үздіксіз ізденістер туралы біліп, адамның әлеуметтік-экономикалық өміріне әсер ететін қоршаған орта мен технологияның арасындағы қарым-қатынастармен танысу мүмкіндіктеріне ие болады. Сонымен қатар гуманитарлық ғылым мен социологияның кез келген аспектісін, мысалы, балалық шақ пен отбасы, тамақ, аспаздық ілімі мен тағамдар, киім мен дүкенге бару, бос уақыт пен спорт, музыка мен ойын-сауық сияқтыларды талқылауға болады. |