Бағдарламасы Түсіндірме жазба
-параграф. II жартыжылдық
жүктеу/скачать 0,84 Mb.
|
үлгілік ОҚУ бағдарламасы 2022 қосымша
| 2-параграф. II жартыжылдық
193. Көру қабылдау мен зейінді дамыту: 1) мұғалімнің ауызша нұсқауы бойынша ұсынылған бірнеше әрекеттің ішінен суретте бейнеленген нақты әрекетті таңдау; 2) заттың бөліктерін бір бүтінге қосу (2-ден 6 бөлікке дейін): кесілген суреттерді, пазл түрінде қиылған суреттерді, текшелерді жинау; 3) заттармен әрекеттерді орындау (итеру, қақпақтармен жабу, тізбектеу) кезінде заттардың өлшеміне және пішініне бағдарлау; 4) көлемді пішіндерді (куб, шар, кірпіш, призма, жұмыртқа тәрізді) көзбен ажырату, үлгі, ауызша нұсқаулар бойынша көлемді пішінді таңдау; 5) калька жасау және қабаттастыру арқылы геометриялық фигураларды зерттеу: шеңбер, шаршы, үшбұрыш, төртбұрыш, сопақ; 6) бейнеленген заттың пішінін геометриялық фигурамен салыстыру және заттарды геометриялық фигурамен сәйкестендіру; 7) бірнеше затты бір геометриялық формамен салыстырып ара қатынасын табу; 8) 3-5 затты көлемі бойынша салыстырып, олардың қатынасын сөздермен белгілеу: үлкен, кіші, орташа, одан үлкен, одан кіші, одан да кіші, ең кіші, ең үлкен; 9) ұзындықтағы, ені, биіктігі әртүрлі заттарды қабаттастырып қою және тақап кою арқылы салыстыру: ұзын-қысқа, тар-кең, биік-аласа; 10) қалыңдығы әртүрлі заттарды қабаттастырып қою және тақап кою арқылы салыстыру: жуан-жіңішке; 11) ұлғайту, кішірейту тәртібімен 4-6 заттан тұратын сериялық қатарларды белгілейді (пирамида, матрешка, баспалдақ); 12) объектінің түсін ажырату (қызыл, сары, көк, жасыл, қара, ақ, қызғылт сары); түсті білдіретін сөз арқылы объектілерді таңдау; 13) ашықтық бойынша түс реңктерінің жаңа реңктерін алу, «ашық, одан да ашық, күңгірт, одан да күңгірт» сөздерді қолдану; 14) екі белгіге бірдей назар аудара отырып, объектілерді топтастыру: пішін-түс, өлшем-пішін; 15) форманы заттың белгісі ретінде қабылдау, заттың тек формасына назар аударып, таңдау жасау (қорапқа тек дөңгелек заттарды жина); 16) түсті заттың белгісі ретінде қабылдау, заттың тек түсіне назар аударып, таңдау жасау (қорапқа тек дөңгелек заттарды жина); 17) объектілер арасындағы кеңістіктік қатынастармен практикалық түрінде танысу (жоғарыда, төменде); есту қабілеті мен зейінін дамыту: 1) дыбысқа еліктеуші ұқсас үндерді ажырату (ку-ка-ре-ку, ку-ку, ко-ко-ко, ква-кв); 2) музыкалық ойыншықтар дыбысының ұзақтығы мен күшін ажырату; 3) буындық қатарларлардың үндеу ырғағын есту арқылы қабылдау және жаңғырту; 4) үндеу ұксас буынды есту арқылы ажырату; 5) буындық құрамы жағынан ерекшеленетін сөзді есту арқылы анықтау (мақ-бақ-тақ-банан); тактильді-моторлы қабылдауды дамыту: 1) ересек адамның сөздік тапсырмасы бойынша ойыншықты сипалау арқылы таңдау (3 таңдау); 2) заттардың пішіні мен өлшемін сипалау кезінде оларға тән белгілерін белгілеу; 3) ауызша тапсырма бойынша сипалап арқылы қажетті өлшемді таңдау: «Үлкен допты бер, кішкентай допты бер»; 4) қатты және жұмсақ объектілер мен заттарды қабылдау және саралау: 2 шегінде таңдау жасау; 5) материалдар беттерінің әртүрлі қасиеттерімен таныстыру: (темір - суық, ағаш - жылы); 6) практикалық әрекеттерде өз денесінің схемасында бағдарлауға үйрету (Ойыншықты оң қолыңа ал); 7) объектілердің өзіне қатысты орналасуын анықтау; 8) жазықтықта бағдарлау (қағаз парағында): парақтың жоғарғы және төменгі (сол және оң) жақтарын, парақтың ортасын анықтау және көрсету. Дәм қабылдауды дамыту: 1) тағамды температураға (ыстық, суық, жылы) қарай ажырата білуге үйрету; 2) тағамды дәмдік белгілеріне қарай «тәтті-ащы», «тәтті-қышқыл» деп ажырату; 3) тағамды «тәтті-тұзды» дәмдік белгілеріне қарай ажырату; 4) қышқыл, тәтті, тұзды дәмі бар өнімдердің дәмін анықтау; 5) ұсынылған өнімдердің арасынан тәтті, ащы, қышқыл, тұзды дәмі бар өнімдерін таңдау; 6) консистенциясы әртүрлі өнімдерді ажырату: сұйықтар, кремдер, пюре, қатты, тұтқыр; иістердің әртүрлі топтарын ажырату: хош иісті заттар, дәрілік заттар; Күтілетін нәтижелер: негізгі түстерді ажыратады (қызыл, сары, жасыл, көк, қара, ақ, қызғылт сары); көлемді фигураларды (шар, текше, кірпіш, үшбұрышты призма, сопақша) ажыратады; геометриялық пішіндерді ажыратады: шеңбер, шаршы, үшбұрыш, тіктөртбұрыш, сопақ; берілген сенсорлық белгінің объектілерін жиынтықтан таңдайды; 3-5-тік құрама пирамиданы құрайды; 3-5 бөліктен тұратын қуыршақтарды жинайды; 4 бөліктен тұратын заттық суретті құрастырады; сипалау арқылы заттардың көлемдік формалары мен өлшемдерін ажыратады; сипалау арқылы қатты және жұмсақ заттарды ажыратады; объектілердің өзіне қатысты орналасуын анықтайды; жазықтықта (қағаз парағында) бағдарлай алады. дыбысталуы ұқсас буындарды ажыратады; музыкалық аспаптардың қатты және ақырын шығатын дыбыстарын ажыратады; тағамды температураға (ыстық, суық, жылы) қарай ажыратады; тағамның «тәтті-ащы-қышқыл-тұзды» дәмін анықтайды; консистенциясы әртүрлі өнімдерді ажыратады; тұрмыстық иістерді ажыратады. жүктеу/скачать 0,84 Mb. Достарыңызбен бөлісу:
|