Бағдат Оралбайұлы «Тегімізді тануға талпыныс»

Исатайдан Ринат пен Ерасыл туады.

Алтайдан Шыңғыс, Асқардан Рифхат, Олжас және Байқожа, Асхаттан Ернар тарайды. Қанаттан Алмас пен Мирас.

Ержаннан Бекжан туады.

Марат, Айдар, Нұржандар әлі жанұя құрмағандықтан ұрпақтары жоқ.

Кентай ағадан Света, Катя, Роза, Бақыт есімді қарындастарымыз артындағы ізіндей болып келеді.

Констотай ағадан төрт інішек бар. Олар: Ғазиз, Әлібек, Қайрат, Болатбек. Сонымен бірге бірнеше қарындастар бар. Ғазизден Бауыржан, Әлібектен Мұратбек, Қайраттан Абзал мен Қамбар, Болатбектен Нұрдәулет туып ұрпақты жалғастыруда.

Кекентай ағадан: Шалқар, Айдын, Мұхит, Жайық және қарындастар тарайды. Өкінішті бір жай Шалқар мен Айдын бауырларымыз бұл өмірден ерте озып о дүниелік болып кетті. Болғанмен «Тәубә» арттарына ұрпақтары қалды. Шалқардан Ертіс пен Есіл есімді ұлдар, ал Айдыннан Еділ деген жігітпен екі қыз бала әкелірінің өмірінің жалғасындай болып жүріп жатыр.

Мұхиттан Қуат, Жайықтан Әділқожа туады.

Жоғарыда Тасқожа бабамыздың үш әйелі болғандығын жазып едім, соның ішінде бірінші анамыздан тараған ұрпақтары туралы жазылды.

Енді екінші анамыздан тараған ұрпақтарын таратпақпын. Бұл анамыздан Бірәлі, Бірәлке, Уәли және Күреңкей туады.

Бірәлі атамыздан үш ұл: Төтекбай, Оралбай, Қыдырбай. Төтекбайдан Алыбай мен Доланбай деген екі ұл және Қайша, Нәписа, Қаписа, Кәшипа есімді төрт апайларымыз тарайды. Алыбай әкеміз бен Айша анадан Аман туады. Алыбай әке ҰОС-да болып қайтыс болған, ал Аман ағамыз бен Рысхан жеңгемізден Рауан деген ұл және Айман, Айжан деген қыздарымыз бар.

Орынғалидан Дәулет пен Әділет туған.

Дәурен Бағдатұлынан Мөлдір тарайды.

Қанат пен Лорадан Арафат, Аяулым, Нәби-Әли атты ұрпақтар өсіп келеді.

Дарханнан әзірге ұрпақ жоқ (үйленбеген)

Қаламқас қыздан Дарын және Ғибрат деген жиендер-немерелер өркен жаюда. Жиендердің әкесі - Айдын Жанай руынан.

Қыдырбай Бірәліұлы мен Мария анадан Қамбар жалғыз туады. Қамбар әке мен Елемес екеуінен Қатипа деген жалғыз қыз қалған. Қамбардың өзі ҰОС-да опат болыпты.

Бірәлке Тасқожаұлы мен Калиман анадан Бөтеке, Малай, Қоңыртай тарайды. Бөтеке әкеден Серікбай ұлдан жалғыз. Серікбай мен Төкен жеңгейден Қойшыбай тарайды. Қойшыбайдан Дәулет есімді ұл бар.

Малай мен Қоңыртай екеуінен ұрпақ жоқ. Соғыстан қайтпаған, соғыс құрбандары.

Уәли Тасқожаұлы мен Айша анамыздан, қыздарын айтпағанда үш ұл: Сүлеймен, Құлынтай және Телтай. Бұлардың үшеуі де ҰОС-на қатынасады да Сүлеймен мен Құлынтай сол соғыста қайтыс болыпты. Телтай аға болса сол қырғыннан аман елге оралып Күнбүбі есімді жеңгемізге үйленеді де Байғали, Секен, Бекен, Берік, Еркін және Зайра, Ләйлә, Айман, Шолпан, Айгүл есімді ұл-қыздары дүниеге әкеледі.

Бірақ осы балаларының қызығын көре алмай соғыстан тапқан кесел-дерттің салдарынан бұл дүниеден ертерек өтті. Телтай ағаның ұрпақтары: Байғалидан Ринат, Қайрат, Мәдина, Секеннен Жәнібек, Ақгүл, Назгүл, Перизат; Бекеннен Дамир, Ақмарал, Сырым тарайды. Дамирден Даниел. Беріктен Ернар, Әлішер мен Бауыржан; Еркіннен Ернұр мен Альмира болады.

Селубай аға мен Көрпеш жеңгемізден жеті ұл және екі-үш қыз бар. Ұлдары: Әскербек, Нұрлан, Ерлан, Темірлан, Ержан, Нұржан, Қанағат, қыздары:Айман, Шолпан.

Әскербектен: Қуаныш пен Әсет. Нұрланның қыз балалары бар, ұл жоқ. Ерланнан Ернұр, Темірланнан Еркебұлан, Жасұлан, Ержаннан Алмас, Нұржаннан ұрпақ жоқ. Қанағаттан Гауһар мен Айзере есімді сүйкімді балалар өсіп келеді.