Детерриториализация (ағылш. deterritorialization) – әлеуметтік, мәдени және саяси тәжірибені (мысалы адамдар, заттар, тілдер немесе дәстүрлер) орналасқан жерінен бөлу.
Интерпретация(лат. interpretation «ұғындыру, түсіндіру») – мәліметтерді, алгоритмдік мәнін автоматты түрде табу мен талдауды орындау, нақты тілде ұсынылған кейбір синтаксистік аяқталған мәтіннің мағынасына түсініктеме беру [12].
Консенсус (лат. consensus «келісім, жанашырлық, бірауыздылық») – егер мүдделі тұлғалардың көпшілігінде қағидаттық қарсылықтар болмаса, шешім қабылдау кезіндегі жанжалдарды шешу тәсілі.
Медиацентризм– коммуникация, мәдениет және қоғамның өзара іс-қимылын түсінуге біржақты көзқарас, іс-әрекеттегі әртүрлі қиылысатын әлеуметтік күштерді тұтас түсінуді білдіреді [13].
Медиатизацияланған әлем– эмпирикалық күнделікті тәжірибені зерттеу, белгілі бір аумақпен шектелмеген коммуникация желісінің өзара әрекеттесуі, әлеуметтік шындық деңгейлерін айқындау, «әлемдердің» қиылысу ерекшеліктерін сипаттау болып табылады.
Технотронды революция– мәдени, психологиялық, әлеуметтік және экономикалық қатынастарда технология мен электрониканың әсерінен қалыптасатын қоғам.
Дегуманизацияланған қоғам – субъектінің адамзат баласына тиістілігін жоққа шығаруға және оны адам құқықтарынан айыруға бағытталған іс-әрекеттері.
Өнер дегуманизациясы(исп. la deshumanización del arte) – испан философы Хосе Ортеги-и-Гассеттің эстетикасы бойынша ең танымал еңбегінде сипатталған, өнердегі модернизм теориясын, көркемдік формалардың белсенді апологиясын білдіреді.
Фасилитатор(ағылш. facilitator, лат. facilis «жеңіл, ыңғайлы») – сәтті топтық коммуникацияны қамтамасыз ететін адам [14, 235 б.].
Коммуникативті мінез-құлық – белгілі бір адамдар тобының қарым-қатынас нормалары мен дәстүрлерінің жиынтығы.
Ұлттық коммуникативтік мінез-құлық – белгілі бір лингвомәдени қоғамдастықтың қарым-қатынас нормалары мен дәстүрлерінің жиынтығы.