Бейорганикалыќ Ќосылыстардыѕ негізгі кластары
Зертханадағы жұмыс кезінде сақтық
жүктеу/скачать 5,26 Mb.
|
химия дәрістер
- Бұл бет үшін навигация:
- Таразы және таразымен жұмыс істеу
| Зертханадағы жұмыс кезінде сақтық
шараларын есте ұстау 1. Улы және жағымсыз иісті заттармен жасалатын барлық тәжірибелер тартпалы шкафта орындалады. 2. Бөлініп жатқан газды ыдысқа еңкейіп иіскеуге болмайды. Газдың иісін ажырату қажет болған жағдайларда, оның ауамен қоспасын қолмен желпіп, сақтықпен иіскеу керек. 3. Күшті қышқылдарды, мысалы күкірт қышқылын сұйылтқанда қышқылға су құймайды, керісінше суға сақтықпен, ыдыстың қабырғасы арқылы күкірт қышқылын құяды. 4. Реактивтерді құйғанда бетке және киімге шашырамау үшін оған еңкейіп, не үңіліп қарауға болмайды. 5. Сұйық заттарды қыздырғанда да оған еңкейіп қарамаңыз. Сұйықтық ыдыстан шашырап кетуі мүмкін. 6. Пробиркадағы затты қыздырғанда, оның аузын өзіңізге не жолдастарыңызға қаратып қоймаңыз. 7. Егер бетіңізге не қолыңызға сұйықтық шашыраса, дереу сумен жуу керек. Күшті қышқылдың шашырандысын көп мөлшерде сумен, содан кейін қышқыл тиген жерді соданың әлсіз ерітіндісімен, ал сілті тиген жерді сабыны кеткенше сумен мұқият жуу керек. 8. Тәжірибелерді оңай от алғыш ұшқыш заттармен жасау оттан қашық жерде не тартпалы шкафта жүргізілсін. 9. Жанып жатқан бензин, спирт, эфирді сөндіру үшін жалынға құм шашады. 10. Горелка жалынында не қыздырылған заттар арқылы күйгенде, күйген жерді калий перманганаты ерітіндісімен шайып, күйікке қарсы қолданылатын сұйықтық сіңірілген мақтаны, не дәкені күйген жерге қою керек. 11. Уланғанда, кесіп алғанда және қатты күйгенде алғашқы көмек көрсетіп, тез арада дәрігерге хабарлау керек. 12. Зертханадан шығарда газ горелкалары шүмегінің жабықтығын және электр аспаптарының желіден ажыратылуын мұқият тексеріңіз Таразы және таразымен жұмыс істеу Химиялық зертханадағы қажетті құралдың бірі – таразы. Әрбір студент таразымен жұмыс істей білуі керек. Әдетте, химия зертханасында технохимиялық, аналитикалық таразылар қолданылады. Технохимиялық таразыда зат 0,01 г дәлдікке дейін өлшенеді. Бұл таразы көбіне заттарды синтездеуде реакцияға кірісетін және реакция нәтижесінде түзілетін заттарды өлшеу үшін пайдаланылады.
Технохимиялық таразы. Технохимиялық таразыда өлшеу барысында мына ережелерді есте сақтау керек: 1. Өлшеу барысында технохимиялық таразының дұрыс жұмыс істемейтіндігі байқалса, ал байқалған ақауды өлшеуші жөндей алмайтын болса, бұл туралы оқытушыға не лаборантқа хабарлайды. 2. Таразы табақшаларына ылғалды, былғаныш және қатты, ыстық нәрселерді, ұнтақ заттарды салуға болмайды. 3. Өлшенетін зат таразының сол жақтағы табақшасына, гирлер оң жақтағы табақшасының дәл ортасына салынады. 4. Гирлерді ластанудан сақтау үшін жалаң өзін стол үстіне қоюға болмайды. Гирлерді пинцетпен ұстап, өзіне сәйкес келетін қорап ұяшықтарына орналастыру керек. 5. Өлшеуге қажетті ұсақ гирлерді басқа таразының ұсақ гирлер салатын қорабынан алуға болмайды. Егер заттың салмағын теңестіруге алынған қораптағы ұсақ гирлердің біреуі не бірнешеуі жетіспесе, онда өлшеу реттілігінің дұрыс сақталмағандығы. 6. Зертханалық жұмыс барысында алынған затты бірнеше рет өлшеу қажет болса, тек бір таразыда ғана өлшеу ұсынылады. 7. Өлшеуді аяқтағаннан кейін таразыда бөгде заттар қалдырылмауға тиіс. Жұмыс аяқталғаннан соң таразыны және ұсақ гирлерді тексеріп, таразыны арретирлеп қою тапсырылады. жүктеу/скачать 5,26 Mb. Достарыңызбен бөлісу:
|