Математика және информатика

Осы стандарт бойынша Е.Ы.Бидайбеков бастаған авторлар ұжымы Ж.Қ.Нұрбекова, С.Т.Мұхамбетжанова, А.Е.Сағымбаева, Н.Т.Ермеков, Н.Ф.Стифутина информатикадан жалпы білім беретін мектептің 7-9 сыныптарына, жаратылыстану-математикалық және қоғамдық-гуманитарлық бағыттағы 10-11 сыныптарға арналған оқу бағдарламаларын жасады (Қазақстан Республикасы Білім және ғылым министрінің 09.07.2010 жылғы №367 бұйрығымен бекітілген, қосымша №5).

2013 жылдан бастап Қазақстан Республикасының орта білім беру ұйымдарында оқыту Қазақстан Республикасы Үкіметінің 2012 жылғы
23 тамыздағы № 1080 қаулысымен бекітілген ҚР мемлекеттік жалпыға міндетті білім беру стандарты негізінде және Қазақстан Республикасы Білім және ғылым министрлігінің 2013 жылғы 3 сәуірдегі №115 бұйрығымен бекітілген оқу бағдарламалары арқылы жүзеге асырылды [37]. Осы стандарт бойынша информатиканы оқытудың мақсаттары мен міндеттеріне тоқталып өтейік. Информатиканы оқытудың мақсаты – қазіргі заманғы ақпараттық технологиялардың теориялық негіздері бойынша базалық білім жүйелеу арқылы ақпараттық құзіреттілікті қалыптастыру, әр түрлі ақпараттарды өңдеудің қарапайым программаларымен жұмыс істеу дағдылары, алгоритмдік және операциялық ойлау қабілеттерін дамыту, программалау тілдерінің бірімен, модельдеу қағидаларымен танысу болып табылады.

Оқытудың міндеттері:

• 
  ақпарат туралы түсінікті қалыптастыру;
  
• 
  есептеу техниканың және телекоммуникацияны негізгі құрылғылары пайдалану дағдыларын қалыптастыру;
  
• 
  ақпараттық модельдеу, модельдеу әдістерін қолданатын негізгі салалар туралы мағлұмат беру;
  
• 
  программалау тілінде негізгі базалық алгоритмдік құрылымдарды пайдалана білуге үйрету;
  
• 
  ақпараттарды өңдеу бойынша ақпараттық технологиялармен жұмыс істеуге дағдыландыру;
  
• 
  жобалық іс-әрекетте ақпараттық технологияларды пайдалану тәжірибесін алу;
  
• 
  алгоритмдік және операциялық ойлау қабілеттерін, ақпараттық-коммуникациялық технологиялар құралдары арқылы оқушылардың логикалық, математикалық, зияткерлік және шығармашылық қабілеттерін дамыту;
  
• 
  қауіпсіздік техника ережелерін, ақпараттық этика және құқық нормаларын сақтау дағдыларын қалыптастыру;
  
• 
  оқушыларды ақпараттық мәдениетке және техникаға ұқыпты болуға тәрбиелеу.
  

5 сыныпта – аптасына 1 сағат, оқу жылында 34 сағат;

6 сыныпта – аптасына 1 сағат, оқу жылында 34 сағат;

7 сыныпта – аптасына 1 сағат, оқу жылында 34 сағат;

1. 
   9 сыныпта – аптасына 1 сағат, оқу жылында 34 сағат.