г) саякаттап, сүрөткө тартуу 1. сафари

КЫРГЫЗ ТИЛИ
92
200 доллар болот. Ноябрдан июлга чейин аба ырайы жакшы болуп, 
эс алууга ыңгайлуу. Тынч жана коопсуз жашоону каалагандар Лаоско 
барып эс алышса болот. Ашканасынын негизин күрүч, туз, соус түзөт. 
Белгилүү суусундугу – «мак-маи-пан» жер-жемишке муз жана коюл-
тулган сүт кошулуп жасалган өзгөчө суусундук.
3. Мен Коста-Рикага саякаттоону сунуштайт болчумун. Ал Борбордук Аме-
рикада жайгашкан кичинекей мамлекет. Бир айлык жашоо 600 доллар 
турат. Тамак-аштын баасы өтө эле арзан. Ресторандарда бир айлык 
тамактануу жалпысынан 100 долларды түзөт. 
Сан жеткис коруктар, парк, кара кумдуу пляждар, шаркыратмалар 
жана жапайы жаратылыш Коста-Риканын көркүн ачып, туристтерди 
өзүнө тартып турат.
4. Мен сага өзүбүздүн Сары-Челекке саякаттоону сунуштайм. Сары-Челек 
бийик тоолуу аймакта жайгашкан. Ош менен Сары-Челектин аралыгы 
300 чакырым, машинада 6–7 саатта жетүүгө болот. Аркыт айылындагы 
жергиликтүү жашоочулардын конок үйүндө калууга болот. Сары-Челек 
корук катары 1959-жылы аймактагы уникалдуу флора жана фаунаны 
сактап калуу жана изилдөө максатында уюштурулган. Анын аймагында 
2–5 чакырым аралыкта жайгашкан 7 майда көлдөр бар. Бул жердин 
табияты, абасы жана көлдүн өзү айтып бүткүс кооз жана сырдуу.
5. А мен сага Ысык-Көлгө барууну сунуштаар элем. Ага Бишкек шаарынан 
Чолпон-Ата шаарына чейин 270 чакырым, башкача айтканда, машина 
менен 5 саат аралыгында жетүүгө болот. Жөнөкөй конок үйлөрдөн 
баштап, 5 жылдыздуу мейманканаларда 400 сомдон 7 000 сомго чейин 
коротуп, эс алууга болот. Бийик тоолуу аймакта жайгашкандыгына 
карабастан, көл кыш мезгилинде да тоңбойт. Жай мезгилинде суунун 
температурасынын деңгээли +24 °С градуска чейин жетет. Ысык-Көлдүн 
бүт тегерек-чети таза кум менен курчалган.

жүктеу/скачать 7,72 Mb.

Достарыңызбен бөлісу: