Бұл ретте мынадай мәселелерді шешу көзделеді
жүктеу/скачать 29,18 Kb.
|
Ресурс РО
| Қосымша 2.
Шағын жинақты тірек мектебі (ресурстық орталық)қызметінің тәртібі: 1.ШЖМ және тірек мектебінің (Ресурстық орталықтың) қызметі осы Үлгілік қағидаларға және өзінің Жарғысына сәйкес жүзеге асырылады. 2.ШЖМ мен тірек мектептің (Ресурстық орталықтардың) негізгі міндеттері: 1) Сапалы бастауыш, негізгі орта, жалпы орта білімге қолжетімділікті қамтамасыз ету және кеңейту; 2) оқытудың ақпараттық-коммуникациялық технологияларын қолдану; 3) сапалы білім беруді қамтамасыз ету мақсатында ШЖМ білім беру ресурстарын тірек мектепте (ресурстық орталықта) шоғырландыру; 4)тірек мектепте (ресурстық орталықта) белгілеу, аралық және қорытынды сессиялық сабақтарды ұйымдастыру жөніндегі шараларды іске асыру; 5) бірлескен сыныптарда оқу-тәрбие процесін ұйымдастыру. Халық саны аз әрбір елді мекенде жұмыс істеуге кепілдік беріледі: 1) білім алушылар саны 5-тен 40 адамға дейін бастауыш ШЖМ; білім алушылар саны 41-ден 80 адамға дейін негізгі ШЖМ; білім алушылар саны 81-ден 180 адамға дейін орта ШЖМ. Тірек мектеп (ресурстық орталық) материалдық-техникалық, ғылыми-әдістемелік базасы және кадр ресурстары болған кезде жалпы білім беретін мектеп базасында аудандық (қалалық) әкімдіктің қаулысымен құрылады. Магниттік ШЖМ тірек мектепке (ресурстық орталыққа) аудандық (қалалық) білім бөлімінің бұйрығымен бекітіледі. Сессиялық сабақтар кезеңінде тірек мектебі (ресурстық орталық) білім алушылардың тұруын, тамақтануын, жеткізілуін, пәндер бойынша оқу бағдарламаларын келісуді, сыныптар мен сессияға қатысушылардың санын айқындауды жүзеге асырады. ШЖМ-де оқу-тәрбие процесі бірлескен сыныптарда білім алушылардың әртүрлі жастағы оқуын есепке алуға сәйкес қамтамасыз етіледі. Тірек мектептегі (ресурстық орталықтағы) оқу-тәрбие процесі бірыңғай оқу жоспары негізінде жүзеге асырылады және магниттік ШЖМ білім алушылары үшін ұзақтығы он күн оқу сессияларын өткізуді қамтиды (белгілеу – қазанның бірінші онкүндігі, аралық – ақпанның бірінші онкүндігі, қорытынды – сәуірдің үшінші онкүндігі). Сессияаралық кезеңде қашықтықтан оқыту жүзеге асырылады. ШЖМ-де жекелеген пәндерді зерделеу және сыныпта 10-16 білім алушы болған кезде кіші топтарға бөлуге жол беріледі. Сыныптарды бір сыныпқа-жиынтыққа біріктіру және біріктіру кезінде әртүрлі жастағы білім алушылардың саны 10 адамнан аспауға тиіс. ШЖМ-де сыныптардың толтырылуына 3-10 адамнан және одан көп адам рұқсат етіледі. Үш немесе төрт сыныпты біріктіру кезінде оқу сабақтарын ұйымдастырудың жылжымалы кестесі қолданылады. Бірінші сынып және бітіруші сынып оқушыларын бірлесіп оқытуға жол берілмейді. Тірек мектепте (ресурстық орталықта) қазақ, орыс, шет тілдерін, информатиканы оқу кезінде, ритақ, музыка, дене шынықтыру, алғашқы әскери дайындық, технология сабақтарында, сондай-ақ бейіндік пәндер бойынша зертханалық және практикалық жұмыстар жүргізу кезінде кіші топтарға бөлуге жол беріледі. Пәндер бойынша кіші топтарға бөлу тірек мектебінің (Ресурстық орталықтың) Үйлестіру кеңесінің шешімімен сыныпты толтыру кезінде - 20-25 адам, ал 8-11 сыныптарда – 15-20 адам жүргізіледі. Әртүрлі жастағы оқыту әдістемелерін қолдану кезінде мынадай біріктірулерге жол беріледі: 1) екінші және үшінші сыныптар; 2) үшінші және төртінші сыныптар немесе екінші және төртінші сыныптар; 3) бесінші және алтыншы сыныптар, алтыншы және жетінші сыныптар; 4) жетінші және сегізінші сыныптар. Екінші сыныпта жазу және математика сабағында бағдарламалық материалмен білім алушылардың өзіндік жұмысының шекті рұқсат етілген ұзақтығы 15-20 минуттан аспайды, ал үшінші сыныпта - 15-25 минуттан аспайды. Тірек мектептің (Ресурстық орталықтың) оқу-тәрбие жоспары магниттік ШЖМ оқу-тәрбие жоспарын ескере отырып әзірленеді. ШЖМ мен тірек мектебінің (Ресурстық орталықтың) жылдық оқу-тәрбие жоспары үйлестіру кеңесінің отырысында бекітіледі, ауданның (қаланың) білім бөлімімен келісіледі, білім беру ұйымдарының басшылары бекітеді. Сессиялардың ұзақтығы тірек мектептің (Ресурстық орталықтың) және магниттік ШЖМ үйлестіру кеңесі бекіткен оқу процесінің кестесіне сәйкес үш күннен он күнге дейін белгіленеді. Орнату сессиясы оқу жылының басында өткізіледі. Сессия басталғанға дейін магниттік ШЖМ білім алушыларына кіріс тестілеу жүргізіледі, оларды оқытудың жеке бағыттары айқындалады, сессияаралық кезеңде жұмыс жоспарланады. Жеке оқыту маршруттарын іске асыру бойынша қорытынды сессияда базалық пәндер мен таңдау бойынша курстар бойынша түйіндік проблемалар анықталады, білім алушылардың дайындық деңгейі бағаланады. Сессияаралық кезеңде білім алушылардың оқу-танымдық қызметі тірек мектебінің (Ресурстық орталықтың) пән мұғалімдерінің қашықтықтан қолдауымен ШЖМ-де өтеді. Сессия кезеңінде тірек мектебі (ресурстық орталық) толық күн режимінде жұмыс істейді. ШЖМ Өңірлік даму орталықтары жұмыс оқу жоспарларын әзірлеу, күнтізбелік-тақырыптық жоспарлау, оқытудың жеке бағдарламаларын жасау, қашықтықтан оқыту нысандарының мазмұны, оқыту әдістері мен арнайы курстар бойынша жұмысты бейіндік бағытты ескере отырып үйлестіруді жүзеге асырады. Тірек мектеп (ресурстық орталық) педагогтерінің еңбегіне ақы төлеу аптасына 18 сағат есебінен белгіленеді, оның ішінде 6 сағат ғылыми-әдістемелік және эксперименттік жұмысқа бөлінеді. Тірек мектеп (ресурстық орталық) директорының, орынбасарының, сыныптан тыс жұмысты ұйымдастырушының лауазымдық жалақысы білім алушылардың барынша толықтығымен жалпы білім беретін мектептегідей белгіленеді. Тірек мектепте (ресурстық орталықта) жұмысты қоса атқаратын жоғары оқу орындарының оқытушыларына Қазақстан Республикасының Білім беру саласындағы заңнамасында белгіленген тәртіппен сағаттық еңбекақы белгіленеді. Тірек мектепті (ресурстық орталықты) қаржыландыру бюджет қаражаты, қамқоршы ұйымдардың жарналары және ақылы білім беру қызметтерін көрсету есебінен жүзеге асырылады. Тірек мектептің (Ресурстық орталықтың) қызметі сұраныс болмаған жағдайда тоқтатылады. жүктеу/скачать 29,18 Kb. Достарыңызбен бөлісу:
|