(Талшықты шеміршек тіні - омыртқа аралық дискіде, қозғалысы аз байламдарда, талшықты дәнекер тінінің гиалинді шеміршекке айналатын жерлерінде (байламдар мен сіңір) кездеседі. Бұл шеміршектің жасуша аралық затында параллелді бағытталған коллаген шоғырлары бірте-бірте босаңси келе гиалинді шеміршекке ұласады. Жасушалары хондроциттер жекеленіп те, топталып та орналасады. Хондроциттердің цитоплазмасында вакуолилері өте көп. Шеміршек жасушалары жеке немесе кішірек изогенді топтарды құрап орналасады.) 11. Зерттеуге шеміршек тінінің екі препараты берілген, бірі гематоксилин эозинмен , екіншісі орсеинмен боялған. Осы әдістермен бояғанда шеміршек тінінің қандай талшықтарын анықтауға болады? Талшықтардың қызметін атаңыздар.
Талшықты шеміршек тініндегі 1 типтегі коллагенді талшықтарды және гиалинді шеміршек тініндегі 2 типтегі коллагенді талшықтарды анықтау үшін гематоксилин, эозин бояуларын пайдаланамыз. Коллаген талшықтары (fibrae collageni) жануарлар организмінің дəнекер ұлпасындағы талшықтардың түрлері. Фибробластар, хондробластар, остеобластар синтездейтін коллаген белоктарынан түзіледі. Коллаген талшықтары фибриллдердің шоғырынан тұрады, əрбір фибрилла протофибриллден түзіледі. Коллаген талшықтарында кезең сайын (64 нм сайын) күңгірт жəне ашық аймақтар (сызықтар) кезектесіп орналасады. Клеткадан тыс аймақта тропоколлагеннің полимеризациясынан қалыптасады. Коллаген талшықтары берік, серпімділігі өте аз, механикалық (тіректік) қызмет атқарады. Шеміршекте коллаген талшықтарын – хондринді коллаген талшықтары, сүйекте – оссеинді коллаген талшықтары деп атайды.
