Педиатрияда осы ғасырдың 20- жылдарынан бастап 4 түрлі диатез белгілі:
Экссудативті-катаралдық.
Лимфатикалық-гипопластикалық
Нервті-артриттік
Аллергиялық
Экссудативті-катаралды диатез
Тері мен шырышты қабаттардың қайталамалы инфильтративті-дескваматозды зақымдануына бейімділігін, аллергиялық реакцияның дамуы мен қабыну процестерінің созылыңқы ағымын, лимфоидтық гиперплазияссын, су-тұз алмасуының тұрақсыздығымен ерекшеленетін сәбилер реактивтілігінің өзгеше жағдайын сипаттайды. Алғашқы 2 жаста балалардың 40-60% да ЭКД белгілері байқалады. Ол кейін аллергиялық ауруларға ауысуы мүмкін. Педиатрлардың көбі басты ролді аллергияға береді. Дегенмен дамуы көп жағдайда тұқымқуалаушылыққа байланысты. Жас кезінде аллергиялық аурулар мен ЭКД көріністері байқалған ата-ана балаларында осы диатез дамиды. Белокты ыдырататын ферменттердің жетімсіздігі, ішек қабатының жоғары өткізгіштігі, А кластық секреторлық иммуноглобулин түзілуінің кем белсенділігі салдарынан сәбилер ішегінің барьерлік қабілеті төмен болады. Сондықтан да жасанды тамақтанатын бір жасқа дейінгі балалардың 50-80% да сиыр сүтінің G-глобулиніне қарсы антиденелер табылады. Этиологиясы ЭКД негізі иммунологиялық реактивтіліктің атопиялық ерекшеліктері; яғни гомоцитотропты Ig-нің әсері мол түзілісіне бейімділік Патогенезі: ЭКД бар балаларда мүмкін өзгерістер:
Т-хелперлер көп
ИЛ-5, ИЛ-10 түзілісі жоғары.
Гамма-интерферон мен ИЛ-26 ИЛ-4 түзілісі төмен.
Кинин жүйесінің белсендігі жоғары
Клеткаларда Н1 гистамин рецепторлары Н2 түріне қарағанда басым.
Шырыш мастоциттерінің түзілуі көп.
Сәби өмірінің алғашқы айынан ақ тері қабатының базданып, терінің өзі бозғылт, құрғақ болуы, ал басына гнейс-майлы себореялық қапшықтар шығуы тән. Ауруда ісіну, енжарлық, лимфатикалық, гипопластикалық диатез сипатына және басқа нерв-артриттік диатезіне ұқсас белгілер байқалуы мүмкін.
