| Жақтау жасау.Жақтау дегеніміз қоспаны салып, қалып жасауға арналған рамка. Құю қалыптары бір немесе екі жақтаулы етіп жасалуы мүмкін, көбінесе екі жақтаулы етіп жасалады. Жақтау ағаш, шойын, болат және түсті металдар қоспаларынан жасалады. Ағаштан жасалған жақтаулар аз сериялы құю өнімдерін алу үшін, ал металдан жасалған жақтаулар көп сериялы құю өнімдерін алу үшін пайдаланылады. Қалып қоспасы жақтаудан төгіліп қалмау үшін кіші жақтаулардың төменгі жағынан жиек, ал үлкен жақтауларда қалқандар жасалады.
Құю өндірісінде құймалардың 25%-ы бірлік қалыптарда құйылады. Бірлік қалыпқа бір рет металл құйылып, ол қатайған соң қалып бұзылып, ішіндегі құйма алынады. Ол қалып екінші рет пайдаланбайды.
Бірлік қалыпты майда жөндеу шеберханаларынан бастап ірі мәшине жасау зауыттарының құю цехтарына дейін пайдаланады.
Достарыңызбен бөлісу: |
