О.Конт: «Қоғамды белгілі бір қызмет атқаратын, ынтымақтастық пен қоғамдық еңбек бөлінісіне негізделген жүйе деп тұжырымдап, оның негізін – отбасы, таптар мен мемлекет құрайды» деген анықтама береді.
Э.Дюркгейм: «Қоғамды коллективтік санаға негізделген, жеке индивидке қарағанда жоғары, бастапқылық сипатты иеленген рухани нақтылық деп түсіндіреді. Яғни қоғамның тұтастығының негізі – коллективтік, жалпыға тән сана» деген тұжырым жасайды.
М.Вебер: «Қоғам адамдардың бір-біріне ықпал етуінен туындайтын әлеуметтік байланыстардың жиынтығы» деген анықтама береді.
Американдық әлеуметтанушы Т.Парсонс «қоғам адамдар арасындағы қарым-қатынастардың жүйесі, ол қарым-қатынастардың негізі – ережелер (нормалар) мен құндылықтар болып табылады» дейді.
Карл Маркс қоғамды адамдардың бірлесіп қызмет етуінің нәтижесінде пайда болып, тарихи дамып отыратын қатынастардың жиынтығы ретінде түсіндіреді.
