Қатеденсақтандыру жұмысы Бұл оқушаларды сауатты жазуға үйретудің тиімді тәсілдерінің бірі. Бұл жұмыстың кейбір жолдары мыналар: Оқушы өзін мұғалім алдында еркін сезінуі. Оқушы өз бетімен жазу жұмысын орындап отырғанда өзіне түсініксіз ұғымды, не жазылуы қалай екенін кәміл біле алмай отырған обьект туралы мұғалімнен қысылып-қымсынбай сұрап алуы тиіс. - Оқушылар түрліше, әсіресе орфографиялық сөздікті пайдалану арқылы көптеген емлесі қиын сөздердің дұрыс жазылу жолдарын біледі. - Емлесі қиын сөздердің дұрыс жазылу үлгісі сынып қабырғасына ілініп қойылады. - Оқушыларды сауатты жазуға үйрету жаттығулары ауызша және жазбаша тілді дамытып, байланыстырып сөйлеуге дұрыс жазуға үйретуде ұтымды пайдаланылуы тиіс. Бастауыш сынып оқуышыларына граммтикалық ұғымдарды меңгерту үшін түсіндіргенді қайталап айтып беруге баулу әдісі ойдағыдай нәтиже бермейді. Бұл әдіске машықтанған оқушылар көбінесе граммтикалық ұғымдарды жаттап, еске сақтауға бейім болады. Ал жаттап алынған білім мен дағды көп уақыт өтпей-ақ ұмытылады.
