Байланысты: 1. азіргі заман тарихы курсыны п ні, ма саты мен міндеттері, де
88.2017 жылдың 12 сәуірінде жарияланған «Болашаққа бағдар: рухани жаңғыру» еңбегінің қоғамдық сананы жаңғыртудағы рөлі.
2017 жылдың 12 сәуірінде ҚР Тұңғыш Президенті – Елбасы Н.Назарбаев «Болашаққа бағдар: рухани жаңғыру» атты бағдарламалық мақаласын жариялап, онда қоғамдық сананы жаңғыртудың нақты бағыттарын айқындап берген еді. Бұл жаңғыруға қазақстандық қоғам қолдау көрсетті, аз ғана уақыт аралығында жалпы елімізде ауқымды іс-шаралар жүзеге асырылды.
Елбасының бастамасымен басталған «Рухани жаңғыру» бағдарламасы–бүгінде қоғам тіршілігінің барлық саласын қамтитын, ұзақ және қысқамерзімді перспективадағы жан-жақты даму векторларын айқындайтын, ұлттық деңгейдегі және қазақстандық қоғам дамуының өзіндік идеалогиялық платформасына айналған мегажоба. Себебі, заманауи қазақстандық мәдениет, озық білім, ғылым және басқа да түрлі бағыттарды жетілдіруде, жалпы жаңа қазақстандық патриотизмді дамытуда едәуір серпіліс берген бірегей бағдарлама.
ХХІ ғасырдағы ұлттық сананы жаңғыртудың басты бағыттарын – бәсекеге қабілеттілік, прагматизм, ұлттық бірегейлікті сақтау, білімнің салтанат құруы, эволюциялық даму және сананың ашықтығы десек, күллі әлем өзгеріп жатқанда қоғамдық сананы жаңғыртудың ерекше маңызға және өзектілікке ие болуы заңды құбылыс. Жаһандық үрдістер айрықша жаңа ақпараттық және коммуникациялық технологияларды белсенді қолдануды талап етуде, сондай-ақ қалыпты өмір ағысы мен салтын өзгертуде, ұлттық құндылықтар заманауи элементтермен ассимиляцияға түсуде. Осы кезде ұлттығымызды сақтауда, алып мемлекеттердің көлеңкесінде қалып, жұтылмауда әрбір қазақстандық тұтас қоғамның прогресі үшін өзінің өмірлік стратегиясын бейімдеуге дайын болуы керек.
