2. Сипау, сығымдау, ысқылау, илеп-жұмсарту, ұрып-соғу, дірілдету тәсілдеріне сипаттама
жүктеу/скачать 70,67 Kb.
|
- Бұл бет үшін навигация:
- Массаждың негізгі тәсілдері
| Нүктелі массаж. Массаждың бұл түрі басақалардан өзгеше. Нүктелі массаж организмнің биологиялық активті нүктелеріне әсер етеді. (2 – 10 мм). Клиникалық тәжірибе және эксперименталды зерттеулер нүктелі массаждың әсерінен организмде айтарлықтай өзгерістер болатынын дәлелдеді. Массаж жасаған нүктеде терінің температурасы көтеріліп, электроөткізгіш қабілеті жоғарлыайды. Оны жылжымалы тобископ деген прибор арқылы оңай анықтауға болады.
Нүктелі массажды басқаша акупунктура немесе акупрессура деп те атайды. Нүктелі массаж инемен емдеу әдісіне ұқсас , нерв ұштарын тітіркендіреді. «Білім – іштегі нұр, өнер – сыртқа салынған түр», дейді халық мақалы. Халықтың осындай асыл сөздерін адейі келтіріп отырмыз. «Оқусыз білім жоқ, білімсіз күнің жоқ» деген сөз де бар... Бірінші класқа барған балалар әрбір әріпті жаттауға кіріседі. Дәрігерлік институтқа түскен студенттер анатомияны жаттайды. Өйткені адам құрылысын білмей, білімді дәрігер болу мүмкін емес. Массажды меңгеру үшін де оның негізін түсіну керек, сырына тереңірек үңілу керек. Онсыз жасалған массаж керісінше ықпал етуі мүмкін. «Ұстазы жақсының – ұстамасы жақсы» , - дегендей, ұстаздың айтқан сөзін жадыңа ұстап, қол қимылдарын есте сақтау керек. Массаждың өз ерекшеліктері өте көп. Ол үшін денедегі бұлшық еттердің орналасуын, қан-лимфа ағысының бағытын, лимфа түйіндерін анық білген жөн. Ал ең негізгісі – ауру адамның психологиясын түсіну керек. Массаж класикалық және сегментарлық болып бөлінетіні білдік. Олардың бір-біріне ұқсас ортақ тұстары баршылық. Дегенмен массаж жасалатын жерге байланысты әр аумақтың өзінше айырмашылығы да бар. Классикалық массажда массаж жасайтын адам көбінде бір жерге ғана әсер етеді, ал сегментарлық массаж нерв жүйесі арқылы ішкі ағзалармен байланысады. Классикалық массаждың негізгі, көмекші және қосынды түрлері болады. Массаж дене гимнастикасымен қабаттасып жүргені дұрыс. Массаждың негізгі тәсілдері: сипау, ысқылау, жұмсарту, дірілдеті, соққылау, сілкілеу. Бұл тәсілдердің кейбіреуі тек спорттық массажда қолданылады. Ал негізінде алғашқы төртеуі кез келген массажда болса да қолданыла береді. СИПАУ Қандай массаж болмасын барлығы тек осы сипаудан басталады. Оны бірінші орынға қоюдың өзінде үлкен мән бар. Өйткені емдік, спорттық, гигиеналық, өзін өзі массаждау – осы массаждардың бәрін сипаудан бастайды, бұл алғы шарт болып саналады. Сипау әр тәсілдердің арасында және массаждың соңында жасалады. Бір сөзбен айтқанда, сипаумен басталған массаж тек сипаумен аяқталады. Оны қаламайтын адам жоқ. Үлкен де, кіші де, дене еңбегімен айналысушы да, ой еңбегімен айналысушы да – бәрі де ұнатады. Өйткені сипау денеге ешбір қиянат жасамай, тек рахатқа бөлейді. Сипау – адам қолының алақаны мен саусақтары арқылы тері үстінде жылжуы. Басбармақты алшақ ұстап, төрт саусақтары бірге, алақанды денеге сырғыта отырып, жәймен сипайды. Ол кезде тері жиырылмауы керек. Асықпай, жеңіл, еркін, белгілі ырғақпен орындалады. Массаж жасаушының қолы жұмсақ, бос, жылжығаны өте нәзік болады. Сипаған кезде шеткері лимфалар орталыққа қарай бағытталады. Емдің массажында үстіртін және терең сипаулар болады. Үстіртін жазықтықта сипау лимфа ағыны бойынша және оған керісінше де жүргізіледі. Қолды, аяқты сипаған кезде алақанмен қапсыра ұстап екі жағына бірдей жасайды. Мысалы, қолдың ұшы ісіп кетсе, онда жоғары жағынан бастайды; алдымен тоқпақ жілік, иықтың үсті, содан соң білек сүйектері, тек ақырында қолдың ұшы сипалады. Бұлшық ет талшықтарының бойын қуа сипау керек. Сонда ғана қан және лимфа саңлаулары ашылып, ағындары ұлғаяды. Сипаған кезде қолға тиетін бұлшық ет, сіңір кездессе, қолды батырыңқырап жіберу қате емес. Еті аз буындардың тұсын, сүйектер шығып тұрған жерді үстіртіп сипайды, өйткені ол жерлерде нерв талшықтары жоғары орналасқан өте аз сезімтал болады. Қолдың қимылы нәзік, денеге сүйкімді болу керек. Бағыты лимфа түйіндеріне, қарай дедік. Мысалы, қолды сипағанда қолтыққа қарай, аяқты сипағанда шапқа қарай бағыттайды. Өйткені онда денедегі ең үлкен түйіндер орналасқан. Ал түйін бар жерді (тақымның асты, қолтық шап, омырау) еш уақытта сипамайды, тіпті массаж жасамайды да. Адам денесінің әр жерін әр түрлі сипайды. Мысалы, арқа , бел, сан, бөксе – ауданына байланысты, кейде екі алақанмен кезек – кезек сипауға болады. Егер бет, саусақтар, нерв талшықтары шығатын нүктелер, не нерв жүйесінің жүретін жолдарын, сипау керек болса, онда алақанның керегі жоқ, бас бармақтың шеткі буыны жетіп жатыр. Екінші – үшінші немесе 2-5 саусақтардың ұшымен бетті, саусақтарды, буындарды, қабырғалар арасын сипауға болады. Жартылай жұмылған саусақтармен алақанды, табанды сипайды. Бүкіл алақанмен немесе жұмған жұдырықпен арқаны, ішті, кеудені, қол – аяқты сипайды. Екі қолмен бірдей сипағанда қолдар қатарласып, не алма – кезек жүріп отырады.мысалы, бір қолмен желкеге жеткенде, екінші қол белден бастайды, біреуі біте берген кезде екіншісі бастап кетеді. Денеге күштірек әсер ету үшін бір қолдың үстіне екінші қолды қойып , салмағын Денеге күштірек әсер ету үшін бір қолдың үстіне екінші қолды қойып , салмағын арттырып та сипайды. жүктеу/скачать 70,67 Kb. Достарыңызбен бөлісу:
|