Азамат Сергеев көлік иесінің азаматтық жауапкершілігін «Гарант» сақтандыру компаниясында сақтандырған. Көп ұзамай Сергеев ағасына көлікті басқаруға сенімхат береді. Ағасының қаланы аралауының бірінде жол-көлік оқиғасы салдарынан көлік зақымданған.
Сергеев сақтандыру ұйымына сақтандыру жағдайы туралы хабарлады, қажетті құжаттарды жинады, бірақ «Гарант» сақтандыру компаниясының қызметкерлері оған сақтандыру шартында белгіленген тәуекелдің өзгеруі туралы сақтандырушыны хабардар ету міндетін бұзғанын көрсетіп, сондықтан сақтандырушы сақтандыру өтемін төлеуден бас тартуға құқылы екендігін мәлімдеді. Сақтандырушының қарсылықтары негізді ме?
Каримов көлігін бір жыл бойы ұрлықтан сақтандырған. Екі айдан кейін көлік жол апатына ұшырады, содан кейін оны қалпына келтіру мүмкін болмады. Сақтандыру компаниясының бұл оқиғаны сақтандыру жағдайы деп танудан бас тартуына жауап ретінде сақтанушы шарт бойынша төленген сыйлықақылардың бір бөлігін қайтаруды талап етті. Сақтандыру компаниясы шартта сыйлықақыны қайтару қарастырылмағанын алға тартып, сыйлықақыны қайтарудан бас тартты.
Сақтанушы сақтандыру компаниясына талап арызбен жүгінген. Пайда болған жағдай бойынша шешім қабылдаңыз
